O Mago paco achegouse onte día 2 de agosto ata Irixoa para facerlle maxia aos nenos/as que participan nun campamento de verán. A través de historias e xogos de maxia traballou as diferencias humanas como un punto de unión no que vernos reflexados. Traballou a igualdade e a violencia de xénero dende un punto de vista divertido e ilusionante, sen perder o transfondo educativo.

Xosé Avelino González trasmitiulles ao nenos e nenas do Campamento de Verán de Carballedo a súa paixón polo mundo das abellas: explicoulles como coñecelas, respetalas e querelas.

Actividade educativa e de divulgación sobre o cosmos que encantou ao público!!!

Onte día 19 de xullo ás 12:00 horas, os nenos e as nenas que participan nun campamento de verán foron a biblioteca e pasárono en grande cos experimentos de Ciencia divertida.  A través destes experimentos déronlle a coñecer a figura do escritor Xulio Verne e algunhas das súas obras como “20.000 leguas de viaxe submarina, Viaxe á lúa, A volta ao mundo en oitenta días…

O pasado martes tivemos este interesante e divertido obradoiro de ciencia en Ourol. Os rapaces/as pasaron un momento moi entretido e cousas sobre o mundo da microbioloxía

Na Praza dos Libros de Carballo, ademais de presentacións literarias e concertos infantís tamén facemos obradoiros!

Neste caso, a cargo de Antía Yáñez, que nos visitou á carpa da feira para ensinarlles a un grupo de 15 nenos e nenas un lote de experimentos científicos do máis sorprendentes, nos que as reaccións químicas dan lugar a verdadeiras curiosidades e efectos vistosos. Cantas aplicacións ten a ciencia!

Partindo da lectura de contos, traballouse o respecto e a atención a prestar ós sentimentos e ó corpo d@s nen@s. Participativo nun ambiente moi confortable.

Na mañá do 18 de maio, escolares da Rúa visitaron a Biblioteca Pública Municipal para celebrar o Día das Letras Galegas participando na actividade ‘A Ruleta das Letras’.

Os asistentes tiveron que poñer a proba as súas habilidades para saber quen se agochaba tras cada panel da ruleta. Por medio deste divertido e dinámico xogo de coñecemento, descubriron máis sobre os escritores e escritoras máis importantes e as súas obras. En definitiva, coñeceron máis sobre a literatura galega.

Os cativos de Culleredo conmemoraron o Ano Picasso cunha divertida e maravillosa actividade. Foi na Biblioteca Municipal, sita no lugar de O Burgo, o día 11 de maio.  Despois de percorrer a infancia na Coruña do artista, e tamén coñecer as diferentes  etapas da súa pintura, fixeron figuras de cartolina de estilo cubista, e foi xenial! 

O pasado 10 de abril, a Biblioteca Municipal de Coristanco adicouna ao investigador e á investigadora científica cun obradoiro de Robótica no que os asistentes descubriron os principios da ciencia, a tecnoloxía, a enxeñería e as matemáticas (STEM), participando nunha experiencia de aprendizaxe divertida e práctica.
Da man de “A nube de Artear” deseñaron e deron vida a diferentes robots co obxectivo de incentivar a creatividade e a curiosidade, proporcionando oportunidades para construír e probar prototipos de obxectos, animais e vehículos cun enfoque do mundo real.

ROBÓTICA CREATIVA