O sábado 9 de outubro, Vicente Mohedano presentounos de maneira interesante e entretida imha sesión de divulgación arredor da idea de macho e masculinidade

Como di Carme Conde (Tarabela Creativa) na presentación do obradoiro deste martes na biblioteca de Santa Marta: “Se algo racha con absolutamente todos os preconceptos e estereotipos, ese misterio é a poesía”. Por iso, Carmen ensinounos a xogar co mundo das imaxes, falamos de referentes en poesía e escoitamos cancións que son auténtica creación poética. Todas estas dinámicas servíronnos de inspiración para dar o salto á segunda parte deste obradoiro e mergullarnos no mundo da creación en busca da nosa propia voz.

O martes 28 de septembro, na Biblioteca de O Froxel “Francisco A. Vidal” de Arteixo, Ian & Elisa trouxéronnos maxia e sombras chinescas usando contos e fábulas como fío conductor facendo que grandes e pequenos disfrutasen dun fermoso e entretido espectáculo onde se fomenta o hábito da lectura como método para facer voar a imaxinación.

Nelson Quinteiro actuou  na Guarda  durante o II Encontro do Libro Luso-Galaico da Ribeira do Minho” celebrado simultáneamente no Concello da Guarda e Caminha.

Nesta aventura Nelson Quinteiro convértese no Señor Patajullo, unha divertida personaxe que chámase así porque fai moito barullo. Os asistentes poden gozar do ritmo, música e instrumentos tradicionais.

A actuación foi todo un éxito!!

O pasado venres, 23 de outubro, tivemos na nosa biblioteca

un obradoiro  para descubrir os nosos ” superpoderes”.

Os nosos participantes descubriron que tiñan, moitos superpoderes agochados,

e que non sabían que os podían utilizar…….

Fixeron grandes descubrimentos!

Este obradoiro consistiu na representación dunha serie de escenas mediante as que se buscaba a complicidade dos asistentes e procuraba facelos partícipes das mesmas. O emprego da mímica e das onomatopeas fixeron que os cativos e cativas pasasen un intre moi entretido e cheo de risas.

Tomando como partida a novela “O xogo de Ender” (logo tamén levada á gran pantalla) os nenos e nenas achegáronse a ese microcosmos mediante o emprego de pistolas láser. Tamén conduciron un coche teledirixido feito con material de refugallo.

O pasado martes, Carmen Conde como narradora oral, falounos de como ir á base para salvar a esencia transmisora. Ela traballa a expresión oral, o maxín, o discurso propio, a creación de mundos e algo fundamental: a escoita.

Este obradoiro de escrita impartido por Andrea Barreira, Eli Ríos e Jara Ortiz convida aos participantes a reflexionar sobre diversos aspectos da literatura que, en principio, poden quedar, e de forma involuntaria, relegados á hora de comprender na súa totalidade un texto.

A sesión comezou realizando unha pequena introdución sobre algunhas escritoras ( Marilar Aleixandre, Ledicia Costas, María Reimóndez, Jane Austen…) destacando certos aspectos da súa produción literaria. A continuación desenvolvéronse unha serie de dinámicas, como foi a lectura e o análise de certos fragmentos, coas que debíamos cavilar sobre se se trataba de personaxes femininas ou masculinas. Tamén se redactaron pequenos textos que foron analizados e comentados posteriormente. Estas actividades sinxelas aportaron un gran dinamismo e unha maior distensión na sala ao permitir a participación das persoas asistentes. 

O pasado xoves 24, levouse a cabo na Biblioteca de Vite o obradoiro  “Robótica na biblioteca” da man da “Escola Átomos”.

Foi unha actividade estupenda que achegou ós nenos e nenas ó mundo da tecnoloxía e da robótica. Cunhas nocións precisas os/as participantes foron quen de elaborar a súa propia “pantalla” que puideron levar para as súas casas.