Contacontos-taller intereactivo de gran calidade sobre a pintora Maruja Mallo. Moi creativo  e con moita información sobre a artista.

Teatro en Punto estivo en Láncara coa sua actividade de divulgación do coñecemento “O PC non é un ordenador”. Grazas ás dúas actrices-relatoras puidemos coñecer o concepto de Patrimonio Cultural, tanto material como inmaterial, a estar atentos ao noso redor e a poñelo en valor.

Petróglifos, mámoas, asentamentos e unha ponte romana, escudos, igrexas de diferentes épocas, persoeiros ilustres… Láncara é moi rica en patrimonio cultural. Se abrimos os ollos e facemos as preguntas adecuadas, contribuiremos a que perdure no tempo o xa herdado grazas aos nosos devanceiros. Os cambios están nas mans das nosas crianzas e mocidade, pero tamén conservar e legar de novo o patrimonio e tradicións.

O pasado 24 de octubro, levouse a cabo na Biblioteca Municipal de Dodro un obradoiro de caligrafía chinesa “Os catro tesouros” no que Miguel Cortés explicou de forma amena: a historia desta técnica, a súa práctica e os materiais que se empregan nela. Unha vez que aprenderon a posición correcta para coller o pincel, os participantes escribiron algúns caracteres sinxelos co pincel e tinta chinesa.

Tanto aos nenos/as como aos maiores disfrutaron moitísimo descubrir a beleza da escritura chinesa

Xoán Curiel estivo en Narón o pasado venres 18 de outubro para celebrar con nós o Día da biblioteca.

Aínda que a súa actuación estaba prevista na Biblioteca Central, as obras de acondicionamento do local obrigáronnos a trasladar a actividade á Axencia de lectura municipal da Gándara. Este espazo máis íntimo, dentro dun dos barrios máis poboados do noso concello, acolleu o concerto de Curiel, un espectáculo no que pon música á obra de mulleres poetas facendo un percorrido pola historia da poesía.

Nesta actividade Juan, de Ciencia en ruta, é un científico que nos ven explicar todos os segredos do universo e nos presenta os astros e os seus movementos, fases e órbitas. Ademais fálanos das mulleres que marcaron a historia da astronomía coas súas aportacións a tan interesante ciencia e os obstáculos que tiveorn que superar por ser recoñecidas debidamente. Os asistentes aprenderon moito sobre astronomía cunha perspectiva de xénero e de xeito lúdico e divertido.

View this post on Instagram

Nestes momentos na biblioteca temos a @ciencia.en.ruta falándonos de astronomía e mulleres que marcaron a historia da mesma coas súas aportacións a tan interesante ciencia. Grazas a tod@s por vir e grazas ao programa de animación á lectura Ler Conta Moito, que nos trouxo esta actividade na que aprendemos moitísimo sobre os astros e o universo. #lercontamoito #abibliopréstame #esenciaperenne #abibliomola #contacontos #cienciaenruta

A post shared by Bibliotecas da Carballo (@bibliocarballo) on Oct 23, 2019 at 9:59am PDT

O contacontos Caxoto deulle un repaso, en ton humorístico, e traendo a conto as lendas artúricas, a eses estereotipos machistas que aínda invaden a nosa vida cotiá e nos que, por estar tan instalados, apenas reparamos.

En Camariñas rematamos a Semana da Ciencia con este obradoiro de submarinos. Foi de moito interese para os participantes e cumpriu coas nosas expectativas.

O venres día 11, pola mañá, alumnado de 1º de ESO do IES Afonso X de Cambre, participou na biblioteca dunha amena e fructífera charla sobre o machismo, o feminismo, a vilolencia de xénero, a igualdade de sexos… Todo dende a perspectiva da narración oral. Caxoto remontouse á situación da muller e o home na época da súa avoa e foina comparando coa actual. Unha forma moi didáctica de ver as dúas realidades.

Unha actividade onde non só se escoitou, tamén se opinou.

Pero Caxoto é un gran narrador oral e así nos manifestou as súas dotes rematando cun conto do ciclo artúrico, no que esta vez sí triunfa na muller o poder decidir.

Temas todos moi interesantes para tratar co alumnado destas idades.

O martes 8 de outubro, chegou á Biblioteca de O Froxel – “Fco. A. Vidal”, LUCAS REQUEJO da man dos seus “CONTOS POLA NOSA SAÚDE O ULTRALIMENTO IMAXINADO”.

Lucas, a través das súas historias do superhero “ULTRALIMENTO”, amosou os cativos e cativas a importancia dos alimentos como fonte de saúde, aprendendo e divertíndose coa receita das “bombas de saúde”, baseado en noces, abelás e cacao.

O Día da Ciencia, Jesús Fernández do Colectivo Ciencia en Movemento achegouse a Camariñas co Museo Científico. Unha vintena de obxectos científicos para tocar, observar e experimentar. Actividade altamente recomendable. Inicialmente tiña unha duración de 90 minutos e prolongouse 2 horas, durante as que os asistentes mostraron moitísimo interese polos coñecementos científicos que se lles presentaban dun xeito ameno e distendido, a través de xogos e exemplos próximos a eles.