Contos, libros e música sobre o respecto e o cuidado á natureza. Unha fermosa sesión.

A través de contos e xogos, Patricia Martinez, transmitiulles ós máis pequenos a importancia de que todos somos iguais a hora de xogar, non hai xogos, nin xoguetes de nenos nin de nenas…

O 27 de outubro tivemos na biblioteca un contacontos da compañía Trinketrinke titulado O ratiño presumido, no que tanto nenos como maiores disfrutamos escoitando contos, cantando e bailando. Estas son as fotos e video da actividade:

O 24 de outubro celebramos o Dia da Biblioteca con nenos de Educación Infantil do CEIP Plurilingüe de Ribadavia cun contacontos do programa de Igualdade e Loita contra a Violencia de Xénero titulado Sen medo da compañía Trécola Teatro. Asi de ben o pasaron:

Faise saber que tódol@s presentes nesta axencia de lectura de Corvillón (Cambados) somos iguaaaaiiiiiiis!!

Contacontos moi entretido. As risas dos/as cativos/as e das súas nais e pais puidéronse oír no reino do lado. Ademáis, todo acompañado cunha serie de instrumentos pouco tradicionais e que os participantes tiveron a oportunidade de coñecer e tocar; grazas a Pablo Sánchez de “Os contos de Pablísimo”.

Coa igualdade por bandeira, a pirata Carla fixo desfrutar aos cativos e cativas, cunha historia chea de superación e cinco probas moi divertidas, nas que comprobaron que todas podemos ser unhas grandes capitanas piratas. Todo isto ocorreu a tarde do mércores no barco pirata da Biblioteca Luís Rei de Cambados.

Anxo Fariña achegou ata a Biblioteca Municipal do Grove o contacontos ilustrado “Gliz. O pastor de nubes e o pintor de flores”

Gliz é un can de palleiro que vive nunha casa árbore cunha familia de nubes. El as coida a elas, e elas o coidan a el. Nese mundo máxico onde vive Gliz, hai moitos seres especiais, entre eles Matés, o pintor de flores. Nese mundo especial todas as noites as flores perden as súas cores e Matís é o encargado de pintalas de novo. Por iso pasa o día a durmir. Máis… que pasa o día que manca unha man e non pode pintar? Quen o vai axudar? Pois Gliz e toda a familia de Nubes

O sábado 26 os máis pequenos desfrutaron desta combinación de bonecos, música e contos que trouxo Animar-t. E non solo os bebés o pasaron estupendo con photocall incluido que xa quixera para só a cerimonia dos Óscar.

A compañía Bandullo azul achegou ata a Axencia de Lectura de San Vicente unha nova sesión de contos, a terceira da compañía de clown e teatro “Bandullo Azul”, con Filipa como protagonista. En esta ocasión recollemos contos dos cinco continentes co fin de narrar a viaxe que a nosa amiga fixo por terra, mar e aire arredor do mundo: América, Oceanía, Asía, África, Europa e de novo na casa. Todos son contos tradicionais e populares acabando con un conto galego. Seguimos coa idea de aportar ademáis de contos, músicas, que en esta ocasión tamén chegarán doutros países. Ademáis das historias, Filipa contará anécdotas da viaxe, as linguas que se falan por outras terras… trae unha maleta chea de historias!

“Hai algo máis aburrido que ser princesa?” e, a continuación, “Cando as nenas voan alto”, foron as narracións que Pedro Brandariz, co seu peculiar e divertido estilo, dramatizou para o público asistente, provocando a reflexión sobre a desmitificación dos estereotipos de xénero.