O xoves 1 de outubro tivemos a sorte de ter na biblioteca a Títeres Cachirulo coa súa versión de A cabeza do dragón de Valle-Inclán.

Dramatización baseada en diálogos, exclamacións e xestos xunto con varias cancións populares galegas.

A resposta de nenas/os foi moi participativa, tomando partido por uns ou outros personaxes (trasno, rei, princesa, fillos do rei, dragón), xerando este último a maior expectación.

Caxoto chegou pensando que, como o chef que é, os nenos e nenas viñan preparados para cociñar. Non era así, e o que querían era que lles contara unha historia.

Aínda que se resistiu un pouco, acaboulles contando a historia dunha nena que quería ser pirata. Afortunadamente os nenos e nenas estaban de acordo con que as nenas poden ser o que queiran e que non hai profesións de mulleres nin de homes.

O 25 de setembro tivemos co programa Ler conta Moito a narradora Carmen Domech co contacontos “A carteira de Augasclaras”. Esta carteira especial contoulle 3 fermosos contos aos nenos do CRA Amencer que o pasaron en grande. Por suposto, con todas as medidas de seguridade. Estas son as fotos:

O martes, 29 de setembro, pasamos unha tarde divertidísima co Mago Paco que nos trouxo unha chea de historias, xogos e por suposto moita maxia.

LIBROS + IMAXINACIÓN = MAXIA

O pasado venres 25 de Setembro recibimos na B.P.M de Vilar de Santos a Yolanda Castaño coa actividade “Contacontos en verso para nenos e nenas”.

Todos os asistentes, en especial os máis pequenos puideron coñecer mellor o mundo da poesía da man desta coñecida poeta e divertirse moito coas súas rimas.

Unha actividade moi amena e sen dúbida moi recomendable.

Este Luns 28 de Setembro acompañounos na nosa sesión de contacontos Pablísimo co seu espectáculo Príncipas e Princesos. Uns divertidos contos de príncipes rosas e princesas azuis que mantiveron entretidos aos nosos asistentes.

Edelmiro é un humilde escritor que un día compra unha tinta moi especial que segundo o libreiro convirte o escrito en realidade. Así inicia a historia de Carabranca, unha meniña abandoada pola familia nunha lata de bolachas.  Carabranca apareceu nunha illa onde aprendeu todo o que sabían os nativos, foi atrapada por un barco pirata onde se fixo amiga de todos os piratas menos do capitán. Tamén viviu na cerna dunha fraga onde cultivaba a súa propia horta…en fin mil aventuras ata atopar ao propio Edelmiro que escribia o seu destino.

Iria Pinheiro vai debullando o conto con música, monicreques, sombras chinesas, maquetas e moitas mais manualidades encantadoras que fascinaron aos nenos presentes.

Chegou a Xermade un Picnic cheo de contos: dous monstros que non se entenden, un can que ten de todo, unha tartaruga que non pode durmir…. O noso preferido en Xermade foi o da eiruga larpeira que se converteu en bolboreta. E ademais foi un verdadeiro pracer desfrutar da contada en dúas linguas: o galego e o inglés

Contos para todas as idades e xéneros, contos en igualdade, o 19 de agosto no centro sociocomunitario do Barqueiro, Mañón.

A escritora María Canosa visitou a Biblioteca de Carral para quitarnos os medos co seu recital Versos para perder medos. Falounos de monstruos, da escuridade, dos cans… E fíxonos pasar un bo tempo mentres que iamos deixando atrás os nosos medos.

E despois veu Patricia, de Eduvía, cargada de contiños e estímulos para que os bebés, nais e pais que nos acompañaron, descubriran un modo especial de estimular os nosos sentidos. Pasáronno tan ben, que case non os damos botado da biblioteca!

Xa estamos agardando por Andrea Barreira para aprender a escribir as nosas propias historias e ao Xigante de Elefante Elegante.