Para celebrar o día da Biblioteca, tivemos en Santiso o conto de Aitana e a avoa, e outros contos violetas, onde os cativos aprenderon unha chea de contos e disfrutaron da xornada con moito entretemento.

O 24 de outubro é unha data moi especial para as bibliotecas. Porque estamos de celebración e queremos que todas as persoas participen do espírito do Día das Bibliotecas, unha efeméride que este ano destaca o papel fundamental que desempeñan todas as bibliotecas na construción dunha sociedade mellor informada, máis igualitaria, solidaria e xusta, plenamente consciente da necesidade de levar un modo de vida sostible como compromiso coas xeracións futuras.

Ler máis →

O pasado xoves 17 de outubro estivo na B.P. M. de Fene, Anxo Moure que contoulles aos nenos e nenas unha serie de historias baseadas na natureza, inculcando nos pequenos e nas pequenas valores positivos como o coidado e a valía das árbores. Non faltou a diversión coa música acompañada de baile.

“Contar co Vento”, contos, melodías …….. historias de tradición oral para toda a familia: de medo, de risa e todas moi entretidas.

Unha actuación moi bonita, donde maiores e cativos desfrutaron moito.

Aida Cobas visitounos coa súa “Boneca de trapo” para contarnos as historias de Mara e a súa avoa Lola, descubrindonos a vida  doutras mulleres que cambiaron a historia.

Pasamos un rato ben entretido e quedamos todos con ganas de máis.De seguro nos volvemos a ver.

Obradoiro de aprendizaxe de técnicas para a creación dun libro pop up con contido referido á biografía de varias científicas galegas. Impartido  Por Sheila García.

Día 17 de outubro de 2024 ás 11:30, biblioteca de Escairón

Celebramos a Semana das Bibliotecas coa actividade do programa Ler conta moito…

Cueiros de cores

da man da Ratiña Faifá, de Trinke Trinke

o 17 de outubro ás 11:30 na biblioteca

Recibimos na biblioteca á Ratiña Faifá, que veu visitarnos desde Lonxedetodo:

Comezamos facendo exercicio para adestrar a mente e o corpo para escoitar contos: ¡1, 2, 3, arriba!:

Cantamos e bailamos con María Fumaça:

Tamén vimos puidemos mirar o cueiro doutros animais…

Cantamos e bailamos, divertímonos cos contos, pero tamén recoñecemos as nosas emocións…

… axudándolle ó Monstro de cores a recoñecer as súas:

Pasámolo tan ben, e gustounos tanto, que nos deu pena que tivera que volver de novo para Lonxedetodo, así que a despedimos cunha grandísima aperta!

Fixemos unha selección de contos para acompañar a esta sesión de contacontos, que se atopará na Casa dos Ratos ata o Nadal.

Neste xoves, 17 de outubro, estivemos con Andrea Jamardo da editorial Cuarto de Inverno aprendendo de maneira moi didáctica todo o procedemento mediante o cal as ideas acaban transformándose en libros físicos. A rapazada de 6º de primaria do CPI de Pontecesures tamén descubriu diferentes formatos de libros e texturas de papeis. A explicación foi complementada coa reprodución duns vídeos explicativos. Finalmente, os nenos elaboraron historias por grupos. Foron moi divertidas!

Este obradoiro enmarcase nunha xeira de actividades de animación á lectura que terán lugar nos vindeiros días para celebrar Outubro, o mes das bibliotecas.

Xela e o dragón viviron unha aventura emocionante coa axuda do público asistente, que opinou e aconsellou aos personaxes.

Neste mércores, 16 de outubro, estivemos co conta contos Manuel Fontemoura co que os nenos de 4º e 5º do CPI de Pontecesures se divertiron e aprenderon sobre a importancia da empatía, a tolerancia e o respecto ao diferente! Esta narración oral enmarcase nunha xeira de actividades de animación á lectura que terán lugar nos vindeiros días para celebrar Outubro, o mes das bibliotecas.