Este luns 7 de Outubro a nosa biblioteca acolleu un creativo e entretido obradoiro de libros pop up da man de Xogando nas nubes. Con papel, cola e tesoiras as nenas e nenos participantes divirtíronse aprendendo diferentes técnicas para poder crear cadanseu libro en 3D inspirándose na festa do Samaín.

O venres, día 4 de outubro, nos visitou Cé Orquestra Pantasma e desfrutamos da súa música e cancións.

Foi unha tarde moi divertida na que nenas e nenos menores de 4 anos , e tamén os pais e nais que os acompañaron, cantaron, xogaron, bailaron e incluso tocaron instrumentos artesanais cos que axudaron a Cé a facer a súa música. Fermosa experiencia musical da que todas e todos saímos cun sonriso.

Este sábado, día 5 de outubro, 18 rapazas e rapaces de Bertamiráns aprenderon a facer o seu primeiro cómic e empregaron os recursos da linguaxe do cómic facendo a sua própia páxina de BD. Un éxito!

O venres 4 de outubro pasaron pola nosa biblio María José e José, de Peixesapop. Nais e rapazada fixeron preciosas libretas cosidas con fío, decoradas con flores… Un marabilloso obradoiro, moi recomendable!

O pasado xoves recibimos na biblio a Anxo Moure coa súa ciclobiblioteca. Pasámolo en grande coas súas historias ecoloxistas, e mesmo tivemos a ocasión de pedalear un pouquiño!

A maga Fani coa súa actuación UNHAS MAXIAS REBULDEIRAS, agasallounos cunha tarde moi divertida e convidou as nenas e nenos a participar como axudantes por un día nos seus trucos de maxia con panos, cordas, papeis, moita imaxinación e fantasía.

Betty, acompañada por Carmen ao piano, cantou promovendo a participación do público. Utilizou o inglés e o galego para potenciar as actividades en grupo valorando o feito de que cada persoa é diferente.

Para rematar, as crianzas fixeron un debuxo colectivo.

O martes, 1 de outubro, “Xogando nas nubes” ensinounos a facer o noso propio libriño interactivo. As nenas e os nenos desfrutaron creando  cabazas, arañas e moitas terroríficas cousas máis que emerxían do papel.

Pasámolo fenomenal !!!

Este luns 30 de setembro mergullámonos nas lendas galegas da man da compañía teatral Tarabelos e o seu espectáculo “Debulendo… lendas galegas”. Xacias, dragóns e outros seres mitolóxicos tomaron vida na nosa biblioteca a través de historias debuxadas coa técnica do kamishibai, narracións nas que tamén puido participar o público coas súas propias ilustracións e converténdose nun personaxe máis de cada lenda.