O venres 28 recibimos a visita de Cris de Caldas para falarnos dunha bibliotecaria un pouco estrafalaria. Actividade de narración oral combinando álbumes infantís con distintas características para conseguir que a rapazada desfrute da narración sempre apoiada nos libros e espertar o interés pola lectura.

A bibliotecaria estrafalaria 2.0 de Cris de Caldas na BPM de Os Tilos-Teo

Para celebrar que chegou o verán e, con el, as tan esperadas vacacións escolares, a biblioteca municipal convidou a todas as crianzas de Brión a participar nun espectáculo musical a cargo de Paco Nogueiras. Un artista que conxuga a súa paixón pola música coa habilidade para conectar co público máis novo. Ler máis →

ISEO A MOURA, estivo na Biblioteca Municipal de Alfoz o día 22 cun contacontos “Se as árbores falaran”. Iseo utiliza a música para tratar un tema moi importante: os incendios nos nosos montes. Axudada pola súa voz, Iseo conta como Flora e seu pai axudan as árbores a protexerse do lume.

O xoves 20 de xuño, a Biblioteca Municipal da Estrada acolleu a visita de Yolanda Castaño, Premio Nacional de Poesía, quen levou a cabo un contacontos en verso para nenos e nenas, no cal relatou varios poemas do seu conto infantil Coller as rendas, de xeito ameno e intercalándoo con distintas conversas cos nenos e nenas asistentes, que podían participar e compartir as súas opinións sobre os diversos animais que protagonizan o conto.

Aproveitamos o bo tempo do comezo do verán para facer a actividade ó aire libre.

Congregarónse unhas oitenta persoas na Praza Aurelio Aguirre para desfrutar de Dani Blanco.

O espectáculo, moi dinámico, foi do agrado das familias.

Malabares empregando libros ou espadas,  globoflexia ou tocar o acordeón en equilibio foron algunhas das propostas.

Sempre co humor, a narración oral e a improvisación como inspiración.  E con voluntarios e voluntarias dispostas a botar unha man.

Na tarde do pasado venres, a rapazada de Dodro disfrutaron moito, realizando unha serie de experimentos científicos moi interesantes con Héroes para la ciencia

O Mago da Boina e a súa axudante, a maga Nami animaron co seu maravilloso espectáculo cheo de maxia e humor o encontro interxeracional entre o alumnado de Primaria do CEIP Xosé Luis Taboada e os residentes do Fogar Residencial do Concello de Carballedo.

Na biblioteca Municipal Isidro Novo de Lugo, recibimos a Paula Carballeira co seu espectáculo “Tres Irmás, tres camiños e tres grandes perigos”. Un contacontos no que a interpretación de Paula é a protagonista, conseguindo atraer a atención tanto dos nenos e nenas asistentes, como dos seus pais. Moi recomendable!

Na Biblioteca Municipal de Lugo recibimos a Caxoto que está de xira celebrando que xa leva 20 anos percorrendo os escenarios de Galicia cos seus contos. Non podíamos deixar de participar nesta celebración!

Cantounos e contounos algunha das histórias que lle contaba a súa avoa e presentounos, ademais, o seu libro “Avoa, neto e burro”

Parabéns por estes 20 anos!!!

Celebramos o Dia do Libro con nenos do CRA Amencer que visitaron a exposición bibliográfica “SOS Océano” e asistiron a un contacontos de Teatro Calavera titulado “Animaladas”, relacionado co Proxecto que estamos a levar a cabo este ano sobre a Axenda 2030 e os Obxetivos de Desenvolvemento Sostible.