O xoves 8 os nosos pequenos e pequenas viñeron á biblioteca a divertirse con Charo Pita.
Rimas e cancións con moito ritmo acompañadas coa guitarra, as historias das once damas atrevidas, dos tres peixes con escamas, do abrazo do ourizo e a tartaruga e o reloxo da risa que daba as horas dunha forma ben rara, fixéronnos cantar e contar, gozar e rir cos marabillosos contos de Charo.

Na Biblioteca Enrique Rivera Rouco das Pontes de García Rodríguez nesta xornada de xoves tivemos a visita do Faiado de Nin. As nenas e nenos fixeron unhas fermosas bolsas de tea que estiveron cheas de creatividade e de mensaxes de loita pola igualdade de homes e mulleres. Foi unha sesión moi divertida e inspiradora.

Os nenos e nenas na biblioteca municipal andiveron a procura do tesouro …

e atoparono estaba moi agochado pero deron con él.

O día 7 de outubro no obradoiro Imaxinar tamén conta Celtia Figueiras, coa axuda do seu monicreque Roi Leo, mesturou diversas técnicas e libros da biblioteca para mellorar a capacidade de imaxinación e tamén a comprensión lectora das crianzas que pasaron 75 minutos de diversión e aprendizaxe.

O mércores 7 de outubro puidemos gozar cun fermoso contacontos grazas ao grupo Tropa de Trapo, que nos achegou con “Antía, Wamba e o regato pequeno” historias de Europa e África.

Este contacontos, que busca romper coa desigualdade e reforzar a tolerancia e solidariedade entre as persoas, tivo unha bonita posta en escea e recorreu tamén a cancións tradicionais como “A saia da Carolina”, para goce de grandes e pequen@s.

O feito de poder difundir a actividade por streaming facilitounos chegar a máis público do que podía asistir presencialmente ás Bibliotecas de Carballo, algo que agradecen @s nos@s usuari@s.

Deixámosvos cuns anaquiños da función para que poidades facervos unha idea do ben que o pasamos!

View this post on Instagram

Fai un anaquiño na Biblioteca Rego da Balsa tivemos a sorte de contar cos contos e coa música de @tropadetrapo. Foi unha tarde moi divertida e con moitas sorpresas, grazas a tod@s por vir e por vernos dende a casa #abibliopréstame #abibliomola #carballomola #concellodecarballo #culturacarballo #OutonoNaBiblioteca

A post shared by Bibliotecas de Carballo (@bibliocarballo) on Oct 7, 2020 at 9:26am PDT

“Os soños na gaiola”, con Borja Insua, estiveron o pasado mes de agosto en Corcubión, dentro do programa de animación á lectura: LER CONTA MOITO.  Desta vez, e cumprindo coas normas de seguridade COVID-19, quixemos facer a actividade ao aire libre , aproveitando que facía bo tempo.

Os rapaces pasaron unha mañá moi entretida e a actuaciíon encantou a pequenos e maiores.

O pasado venres 25 de Outubro, na Casa da Cultura de Corcubión, visitounos Teatro Ghazafellos coa súa obra:

“A MÁQUINA DO TEMPO”, dentro do programa de animación á lectura LER CONTA MOITO.

Unha tarde moi entretida cun público moi animado e participativo .

Contacontos “Nubinete contra o cambio climático”: o pasado día 30 estivemos na Escola infantil municipal con Anxo Moure “Carballo con botas”, e coa colaboración das mestras, Raquel e Montse, participando no programa de animación á lectura para as bibliotecas: Ler Conta Moito, tamèn durante este ano 2020.#carballoconbotas #lercontamoito #RBGalicia

Pasamos unha tarde estupenda cun espectáculo de monicreques que nos fixo recordar á autora de Cantares Gallegos.  Ó longo da actuación atopamos elementos enxebres como a Pedra de Abalar de Muxía.