Obradoiro “Agasállate” de Iria Mejuto, realizado na Biblioteca Municipal de Culleredo, en O Burgo, o mércores 14 de xullo. Rapaces encantados coas ideas prácticas e creativas para obsequiar algo feito por eles mesmos. 

Mago por un día

O mércores 7 de xullo, na Biblioteca de O Burgo, rapaces de Culleredo participaron nunha actividade que xuntou diversión e coñecemento, valores, curiosidade e ilusionismo, foron magos por un día  

Día 2 de xullo de 2021 ás 11:00, biblioteca de Escairón

Presentamos a primeira actividade do programa Ler conta moito deste ano,

As superheroínas do noso pobo

da man de Estefanía Padullés

o 2 de xullo, ás 11:00 na sala infantil

O obradoiro de ilustración versou sobre mulleres esquecidas en diferentes campos, desde Margaret Hamilton, a Rosalía de Castro, Hipatia, Cleopatra, Isabel Zendal…

Consultamos en diferentes libros da biblioteca sobre estas mulleres e cadaquén escolleu un libro para inspirarse e debuxar a unha delas:

Para logo debuxar cadaquén a unha do seu entorno máis próximo:

Poden atoparse no catálogo da Rede de Bibliotecas de Galicia en moitas bibliotecas  libros sobre o cinema [consulta aquí os libros que hai na nosa biblioteca]

O pasado mércores, un grupo terapéutico de Alzheimer participou no obradoiro “Caderno de lectura con Zentangle” impartido por  Elisabet Hillerud,  no que utilizaron o método zentangle para decorar a cuberta dun caderno de lectura.

É unha técnica que consiste en trazar patróns repetitivos que crea belas imaxes e fomenta a tranquilidade e a concentración, desenvolvendo a creatividade e a sensibilidade artística.

As persoas que asistiron pasarono xenial, entenderon que o importante non era o resultado e gozaron coa plena atención na realización dos trazos.

Tanto no parecer de Elisabet como no dos participantes e das monitoras do grupo, foi unha experiencia totalmente satisfactoria e gratificante.

O día 22, na biblioteca de Bertamiráns, os rapaces que participaron no obradoiro de Xandobela demostraron ser uns especialistas na vida e obra de Xela Arias. A través de probas e retos escondidos por toda a biblioteca completaron o seu encrucillado sobre Xela e conseguiron o seu diploma!

Visitou a nosa biblioteca o ilustrador Óscar Villán para facer un repaso pola historia da ilustración, falarnos de en qué consiste o seu traballo e amosar algúns ilustradores que paga moito a pena coñecer

O 8 de outubro, na Biblioteca de Pontecesures e con alumnos/as de 3º de Educación Primaria: Obradoiro de creacontos de Andamiaxe. Variables que ten un mesmo conto: xogar, recortar, pegar, debuxar, escribir, escoitar, compartir, falar, descubrir, colorear, construir…actividades todas elas para sacarlle todo o partido aos contos contados e entendidos de maneira tradicional. Rematada a actividade visitamos o mural pintado pola Escola de Pintura da Asociación a Barcarola nun local colindante coa Biblioteca. O mural reproduce unha foto antiga do paso do tren de Varela pola ponte de ferro en Pontecesures. Esta foi a primeira línea do ferrocarril en Galicia: Carril-Cornes. Alí a bibliotecaria explicoulles aos nenos/as un pouco de historia do ferrocarril ao seu paso polo noso pobo.

O día 21 de outubro as crianzas aprenderon a traballar con papel partindo das formas xeométricas habituais no deseño galego, ao mesmo tempo aplicaron os gustos e a creatividade individuais.

Con iso lograron facer unhas esculturas moi interesantes.

O martes 20 de outubro, chegou a Biblioteca de O Froxel, ELECTRA MENÉNDEZ cun interesante obradoiro baseado en:  “ESCULTURA EN PAPEL”.

A actividade consistiu na creación de personaxes e obxectos
con papel e cores brillantes que podían levar a casa para deleite dos seus pais.

A pesar da capacidade limitada e a distancia de seguridade, a actividade foi todo un éxito.

Onte, luns 19 de outubro, a Biblioteca Pública de Portas recibiu a Sheila para contar a historia de “As pitas baixo a choiva” de Ricardo Carvalho Calero, ademais de completar a actividade cun obradoiro creativo onde cada neno e nena puideron elaborar o seu propio conto a través de distintos collages de papel, orixinais e únicos. Unha actividade moi interesante e que acadou moito éxito entre os máis cativos.