O día 7 de agosto, tivemos na Biblioteca de Beariz un obradoiro de globoflexia, Mega 2.0 Workshop.
Elisa e Ian fixeron as delicias de todos os nenos, primeiro facendo maxia moi divertida e logo nos ensinaron a facer moitas cousas cos globos.
Este mércores día 30 de xullo, a maga Fani chegou a Beariz coa súa “Antoloxía de trasnadas”.
Foi un espectáculo moi divertido, tanto os nenos coma os maiores disfrutaron moito.
Esperamos volver a verte
Venres, 18 de xullo de 2025
Obradoiro no que as nenas e nenos de Parada de Sil, da man da galiña Rosiña, crearon novos persoaxes de pasta de papel en 3D para dar vida a novas historias e mesturar personaxes, revisando os estereopitos de xénero dos contos tradicionais.
O venres 11, aprendimos como facer dende cero un títere de calcetín. Dunha maneira áxil e fácil, e seguindo os pasos os resultados foron espectaculares. Diversión e creatividade para grandes e pequenos
Obradoiro de títeres de calcetín de Galitoon na Biblioteca dos Tilos-Teo
OQO Editora estivo onte en Ourol co seu obradoiro “Coas mans na masa” . Os rapaces e rapazas traballaron co álbum “Maruxa” e coñeceron os segredos para preparan un bo pan, pero non para ir ó forno senon para dar forma a novos personaxes e crear novas escenas do conto.
O xoves 3 de xullo na Biblioteca Municipal “Luís Seoane” de Soutomaior, a compañía Galitoon ofreceu un obradoiro familiar onde os calcetíns foron os nosos protagonistas, e unha vez decorados puxeronse a contar historias.
Un obradoiro moi dinámico e de gran éxito onde os menores de 6 anos estaban acompañados dunha persoa adulta. Chisco, ensinounos a reciclar eses calcetíns que quedan soltos na lavadora dun xeito lúdico e participativo. 
O xoves 26 de xuño na Biblioteca Municipal “Luís Seoane” de Soutomaior tivemos un obradoiro moi animado, cun galiñeiro que encheuse dos personaxes preferidos de cada participante feitos en pasta de papel.
Un obradoiro familiar onde os rapaces menores de 6 anos estiveron acompañados dunha persoa adulta, o éxito foi enorme e os participantes agradeceron a creatividade de Electra.
Hoxe 20 de xuño, tivemos un fin de curso moi especial na biblioteca.Un obradoiro moi creativo, Maderacos. Ata a próxima Sofia!
Na Biblioteca de Foz levamos a cabo unha actividade de lettering que tanto éxito xera na rapazada. Este ano para conmemorar as nosas letras galegas contamos coa actividade “Lettering co cancioneiropopular galego” da man de Velaísca. Os nenos e nenas participantes somerxéronse nas cantigas tradicionais a través da arte creativa do lettering, dándolle cor e forma aos cantares galegos. Para iso apoiáronse en libros presentes na biblioteca coa temática do cancioneiro galego, en especial no libro “Sei cantar e sei bailar” publicado este ano para homenaxear ás cantareiras.
Séguenos