ELENA GALLEGO ABAD na BIBLIOTECA MUNICIPAL DE FERROL

DETALLE DUNHA SESIÓN DO OBRADOIRO CREATIVO IMPARTIDO POR ELENA GALLEGO ABAD. É UN LUXO CONTAR COA SÚA PRESENZA.

O 25 de abril ás 19:00 horas  con motivo da celebración dos actos do Día do Libro contamos na B.P.M. de Valdoviño co espectáculo do Mago Teto “A MAXIA DOS CONTOS (CONTOS DE MAXIA)” con gran éxito de público familiar  no que as palabras e os libros foron o fío conductor das maxias e ilusións  que abraiaron a todo o público presente

Día 24 de outubro de 2024 ás 11:00, biblioteca de Escairón

Celebramos a Semana das Bibliotecas coa actividade do programa Ler conta moito…

Contacontos sensorial

da man de Eduvía (Vías para a Educación)

o 24 de outubro, ás 10:30 na biblioteca

Reunímonos pais, nais, avoas, profesoras e bebés na sala infantil da biblioteca ó redor de Patricia, que co seu Contacontos sensorial nos achegou ás sensacións que sons, olores e tacto provocan en nós e en contacto cos nosos bebés.

Primeiro xogamos co tacto e o son da nosa voz, que son os que máis recoñece polo de agora.

Despois xogamos co tacto e as texturas.

Ó final foi o sentido do olfacto co que xogamos, deixando polo de agora o do gusto para evitar problemas con alerxias e intolerancias, pero levamos para a casa a idea de xogar cos sabores frescos e co xeo cando chegue a época de calor.

Rematamos cunha canción e bailando. En fin, unha auténtica viaxe cos sentidos!

Levamos un fermoso recordo das sensacións que nos produciu, ademais dun pedazo da sesión: unha flor de papel, un carozo e uns grans de millo, unha pluma, un talo de menta para ulir,…

Ademais coñecemos os materiais para bebés que temos na biblioteca, e que se poden consultar no catálogo da Rede de Bibliotecas de Galicia [consulta aquí os libros da Bebeteca].

Día 21 de outubro de 2024 ás 11:00, biblioteca de Escairón

Celebramos a Semana das Bibliotecas coa actividade do programa Ler conta moito…

Autobiografía cuantificada II

da man de María Meijide

o 21 de outubro, ás 11:00

Recibimos a María con algo menos de temor ca o ano pasado polo que teriamos que facer. Para facernos relaxar, empezou presentándose outra vez ela e mostrándonos algunhas das cousas que fai.

Logo dalgunhas lecturas e conversas, escribimos un pouquiño sobre nós: o que nos gusta (o calor dos raios do sol nos pés ó sacalos da auga do río no verán), o que non (as bágoas do bebé que acolamos, cando non sabemos que facer para que pare de chorar), etc.

Algunha das súas obras publicadas pódese atopar na biblioteca. Podes consultalo neste enlace.

“Contar co Vento”, contos, melodías …….. historias de tradición oral para toda a familia: de medo, de risa e todas moi entretidas.

Unha actuación moi bonita, donde maiores e cativos desfrutaron moito.

No día de hoxe a Biblioteca Pública Municipal de Guitiriz acoulle o obradoiro musical de sensibilización en igualdade e erradicación de violencia contra a infancia e as mulleres impartido por Blanca Villares.

Neste obradoiro trataronse as violencias sexuais a través das músicas nos tempos de antes e de agora, e o seu papel nas colectividades que as compoñen…e escoitan; e través delas e da publicidade ou redes socais abordouse o consentimento, o acoso e o abuso sexual.

Participaron na actividade o grupo de estimulación cognitiva do Concello de Guitiriz, capitaneados por Rocío Fanego e o grupo de adolescentes do Proxecto Kpaces do Ies Poeta Díaz Castro coa súa responsable Sandra Tenreiro.

foto

Proxección do documental acerca da traxectoria profesional do fotógrafo popular galego José Gestal (CARDOÑA) e posterior coloquio cos asistentes para por en valor a profesión deste tipo de fotógrafos que percorreron as nosas vilas e pobos e a importancia de recuperar e conservar os arquivos fotográficos familiares.

O venres 4 de outubro pasaron pola nosa biblio María José e José, de Peixesapop. Nais e rapazada fixeron preciosas libretas cosidas con fío, decoradas con flores… Un marabilloso obradoiro, moi recomendable!

O Concello de Carballeda de Avia,a través da súa Biblioteca Municipal,participa no programa “Ler Conta Moito” co que se dinamiza a lectura a través de diversas actividades.

Este venres disfrutamos da obra “CHOCOLATE” da man do cociñeiro Antón e da pasteleira Tomasa da compañía Teatro Calavera.

Os cativos  e non tan cativos disfrutaron coas súas aloucadas aventuras.

Para rematar  elaborouse un postre saudable de froitas con chocolate , que foi do gusto de todos.