Zentagle na Biblioteca Municipal de Poio
O venres 20 véspera do Día Internacional da Paz, desfrutamos dun obradoiro de Zentagle.Debuxamos unha pomba da paz coa técnica zentagle.
Saltar a ligazóns de pé de páxina
Archive for category: Persoas adultas
Rosalía de Castro na Biblioteca de Moeche
Parecera que a mesma Rosalía se materializase na Biblioteca de Moeche para falar da súa vida e de literatura aos participantes no obradoiro de memoria e algún usuario máis no día da inauguración do curso. A artista Helga Méndez na súa espléndida interpretación.
Encontro con Paula Carballeira arredor de “As Alumnas” na BPM do Grilo-Cacheiras
O venres 13 de setembro visitounos Paula Carballeira para falar con nós de teatro, de ler teatro e imaxinalo. Arredor da peza “As alumnas”, a súa autora, Premio Nacional de Literatura Dramática 2023, conversou sobre o proceso creativo dunha obra teatral, das mulleres na historia, na educación, de memoria e identidade.
IGUAIS E DIFERENTES NA BILBIOTECA PÚBLICA MUNICIPAL DE GUITIRIZ
O pasado venres desfrutamos dun bonito espectáculo da man de Manuel, contos maxia, sorrisos e moitas sorpresas .
Ao remate, cociñamos entre todos e todas un pastel de forma máxica que podeimos saborear.
A través dos contos, da maxia e dos xogos poñemos énfase na toma de conciencia de que todxs somos iguais, temos os mesmos dereitos e deberes.
Unha pequena representación dos usuarios e usuarias do Centro de Día achegáronse ata a biblioteca compartindo un bonito momento coa rapazada.
Que ben o pasamos!!!
“A maxia dos libros” na Biblioteca Municipal “Casa Habanera” de Guitiriz
O pasado 18 de xullo a biblioteca pública municipal acolleu a actividade ” A maxia dos libros”, unha representación única onde Nami e O Mago da Boina deron vida a diversos fragmentos dos libros de Crónicas do Mago Errante.
Esta experiencia cómica está deseñada tanto para adultos como para nenas e nenas, fusionando a maxia cos beneficios da lectura. Unha viaxe fascinante que gustou a todo o público asistente.
“A MAXIA DOS LIBROS” en Carballedo
O Mago da Boina e a súa axudante, a maga Nami animaron co seu maravilloso espectáculo cheo de maxia e humor o encontro interxeracional entre o alumnado de Primaria do CEIP Xosé Luis Taboada e os residentes do Fogar Residencial do Concello de Carballedo.
“BiblioCanta” na Biblioteca municipal de Ortigueira “Juan Fernández Latorre”
O pasado mércores Eduvia visitou o Centro de Atención a Persoas Maiores de Ortigueira co seu espectáculo BiblioCanta. Os nosos maiores cantaron, bailaron e divertíronse nunha sesión en torno ao cancioneiro tradicional galego.
Cris de Caldas na Biblioteca de Portonovo
Mes das Letras na Biblioteca de PortonovoO venres tivemos a oportunidade de escoitar a Cris de Caldas coas súas historias e contos para maiores.
Foi unha sesión moi divertida e amena, chea de feitos que moitas das mulleres que alí estaban recoñecían como parte da súa historia cultural ou incluso persoal.
Cris contou de curas, beatas, mulleres novas, nenas, homes mortos… e, coma un guiño a Portonovo, unha historia de gatos 
“Murmuraban as miñas veciñas” de Dani Blanco na Biblioteca José Saramago do CSC de Santa Marta
Dani Blanco veu á Biblioteca José Saramago do CSC de Santa Marta, en Santiago de Compostela, a presentarnos a narración oral Murmuraban as miñas veciñas.
Un conto nunca se conta igual dúas veces. O contexto e a memoria vainos alimentando.
A través desta narración puidemos achegarnos a como foron as vidas dalgunhas mulleres de Cangas do Morrazo.
Unha actividade que gozamos moito e que non podemos deixar de recomendar.
Séguenos