Este martes 1 de outubro na Biblioteca de Viana do Bolo contamos coa actuación do Mago Bugarín, un espectáculo onde o humor e a maxia fixo que fora unha tarde moi emocionante e divertida para toda a familia.

“Eu vou comigo” ensínanos a aceptar as nosas peculiaridades e que podamos aprender a ser felices tal e como somos.

Este luns 30 de setembro mergullámonos nas lendas galegas da man da compañía teatral Tarabelos e o seu espectáculo “Debulendo… lendas galegas”. Xacias, dragóns e outros seres mitolóxicos tomaron vida na nosa biblioteca a través de historias debuxadas coa técnica do kamishibai, narracións nas que tamén puido participar o público coas súas propias ilustracións e converténdose nun personaxe máis de cada lenda.

Este sábado tivemos unha misión do máis divertida na Selva Pitiminí, na que todos os participantes acabaron converténdose en auténticos exploradores a través do teatro, xogo e baile.

O pasado venres 27 de setembro os 21 rapaces que se inscribiron neste obradoiro con Santy Gutiérrez debuxaron a súa propia páxina de banda deseñada aprendendo no proceso os recursos propios da linguaxe do cómic: dende o guión ao debuxo, onomatopeias, liñas cinéticas, planos e encadres, deseño de personaxes, estilos, etc. E todo isto nunha hora chea de diversión!

O venres 27 de setembro recibimos a visita do Ratos de Lonxedetodo, que viñeron contar a historia de Manolo Caracol e a súa historia de amor. Espectáculo infantil que combina música, narración oral e títeres para facer desfrutar ao público infantil e tamén aos maiores

O pasado xoves, o autor Antonio Fraga sumerxiu nunha aventura á rapazada da Biblioteca municipal de Mugardos para, coa axuda de todos e todas, tentar coñecer quen se agochaba detrás da misteriosa Negra Sombra. Unha tarde moi amena e participativa.

O venres  27 de setembro Xabi do camiño e Cris de Caldas achegáronse a biblioteca de Tirán para agasallar aos máis cativos con contos e cancións. Contos, son, rimas, xogos e arrolos que cautivaron a todo o público.

O venres 27 as 18:00 horas tivo lugar no Concello de Paderne un divertido espectáculo de maxia a cargo de Pedro García Bugarín. Un show onde o humor está presente en todo momento xunto coa maxia.  Onde os presentes participaron en todo momento, resultando unha tarde emocionante e novidosa.

O venres na B.P.M. Mª José Ruso de Mera tivemos unha tarde chea de experimentos e xogos grazas a Ciencia en movemento coa sesión SOS a Terra: Propiedades da auga. Suso concienciou a maiores e pequenos sobre os problemas que envolven actualmente ó noso planeta, dunha forma moi divertida e didáctica!