Tantarantiña
O mércores día 13, pola mañá, a primeira infancia do PAI disfrutou cos cantos e contos de Cris de Caldas, ca súa actividade “Tantarantiña”.
Saltar a ligazóns de pé de páxina
“A gran viaxe das letras galegas” da Xanela do Maxín
O xoves 14 tocoulle a Paiosaco, cun contacontos que fai un pequeno repaso dos autores máis importantes das nosas letras galegas. Os nenos/as puideron participar e aprender sobre a nosa historia e os nosos autores dunha forma divertida en forma de xogo.
“No monte” Un mar de cores
Inauguramos a programación destinada ás letras galegas co contacontos sensioral de Marilé (Un mar de Cores) no Centro Sociocomunitariode Caión, un contacontos sensorial que rematou cun pequeno obradoiro.
AS LETRAS VOAN CON NOME DE MULLER EN CEE
O auditorio Baldomero Cores de Cee reuniu hoxe aos alumnos das unitarias de Brens, Pereiriña e Vilarmide e aos colexios Vila de Cee e Manuela Rial para celebrar as letras de Begoña Caamaño e de todas as mulleres que foron homenaxeadas no Día das Letras Galegas.
Ao remate do espectáculo, entregamos os premios da XXXV edición do concurso de relatos e a XXII edición en busca do noso marcapáxicas organizados pola Biblioteca de Cee.
Grazas a Paula por facer un espectáculo tan divertido para os cativos.
Obradoiro ” Gravado con Begoña Caamaño”
O xoves 14 de maio , celebramos o día das Letras Galegas co “Obradoiro de gravado con Begoña Caamaño”, donde os rapaces homenaxearon a sua figura con un estampado en linoleo.
Foi unha actividade moi divertida e pasarono xenial.
“As Letras de Begoña ” na Biblioteca de Vilalonga
Onte tivemos a visita de “Colectivo Xurelo” na Biblioteca de Vilalonga, con ocasión das Letras Galegas, para homenaxear a figura de Begoña Caamaño.
Na actividade, a persoa narradora relatou a biografía de Begoña Camaño, ao tempo que unha ilustradora ia realizando un mural coa imaxe da homenaxeada, mesturando a ilustración con música e cancións; o resultado foi unha sesión moi amena, e moi interactiva. Os nenos e non tan nenos( os pais), pasaron unha tarde moi divertida e tamén formativa.. Para rematar, todos xuntos, seguindo as indicacións da ilustradora, realizaron unha caricatura da protagonista, e moi contentos puideron levala para casa, como recordo da actividade.
As letras que voan con nome de muller
Onte veu Maite, a contarnos historias de escritoras.
Entre tod@s cantamos e bailamos e aprendimos cousas de mulleres que escribían en galego.
Unha xornada divertida para toda a familia.
BEA CAMPOS E OS SEUS AMIGOS DE CARRAL
O pasado xoves acompañounos Bea Campos e os seus contos de Limón, Contos e Cantos dirixido a nenos de 0 a 3 anos.
O “esixente” público aplaudiu e participou en todo momento. Grazas Bea, sempre é un pracer!
Esperamos vela moi pronto
UN LIBRO BAIXO A ALMOFADA. NA BIBLIOTECA DE BARRO
O pasado 13 de maio tivemos o pracer de acoller na Biblioteca Pública Municipal de Barro unha sesión moi especial de animación á lectura da man de Caxoto. Nesta actividade, os máis pequenos do CEIP Amor Ruibal puideron gozar dunha contada chea de maxia, na que as historias cobraron vida acompañadas de instrumentos musicais tan curiosos como sorprendentes.
Ademais de escoitar contos, as crianzas tiveron a oportunidade de descubrir unha pequena mostra dos fondos da nosa biblioteca destinados á rapazada de 0 a 5 anos, achegándose así ao marabilloso mundo dos libros dende idades temperás.
O espectáculo foi tamén unha fermosa homenaxe a todos eses libros que nos marcaron, que nos marcan e que, sen dúbida, seguirán formando parte da nosa vida para sempre.
Caxoto compartiu, ademais, unha historia moi persoal: cando era pequeno, custáballe moito durmir e sempre atopaba escusas para non deitarse. Ata que un día, por imitar ao seu irmán maior, decidiu coller un libro antes de durmir. Sen decatarse, aquela decisión levouno a vivir unha noite chea de aventuras e soños, unha experiencia que quixo repetir unha e outra vez. Dende entón, cada noite converteuse nun pequeno ritual: un conto, un anaco de imaxinación e o libro gardado baixo a almofada para deixarse levar cara ao mundo dos soños.
Burromaquia en San Vicente
O mércores 13 de maio, no salón de actos da Axencia de Lectura de San Vicente, os nen@s do CEIP As bizocas disfrutaron dunha sesión de contos “Burromaquia” a cargo de Inacio Vilariño.
Espectáculo de narración oral, cunha selección de contos, fábulas, poemas e cancións na que se fala con simpatía dese animal tan entrañable que é o burro. De entre todas as historias contadas, non podia faltar a do “Burro da Toxa” que levantou risos entre os asistentes.
Séguenos