Este martes 3 de outubro veunos visitar Fran Amil á nosa biblioteca, para contarnos e cantarnos contos sobre monstros que non dan medo, un conto ao revés e a canción dos robots.

Foi unha tarde moi divertida e chea de música, na que nenas e nenos cantaron e bailaron o son das cancións.

Elisabet Hillerud achegou ao  alumnado do Ies Poeta Díaz Castro o  obradoiro “Poema zen para a igualdade” no que se utilizou  o método Zentangle, decorando un poema sobre a igualdade entre homes e mulleres e creando unhaa concienciación  de non violencia. Zentangle crea belas imaxes e fomenta a paz interior e a concentración, desenvolvendo a creatividade e a sensibilidade artística.Sen ter coñecementos previos de debuxo.

Estefanía Padullés achegouse ata o Pino para ensinarnos como é o seu proceso de creación. Dende a primeira idea ata con quen hai que falar para plasmar todo en papel.

Cantas historias marabillosas saíron das cabezas dos participantes!!!

Onte martes 2 de outubro, tivemos con nós  a compañía Xarope Tulú  coa actuación “Roupa tendida” de Atenea García. Roupa tendida é un espectáculo de narración oral que procura afondar na literatura de tradición oral.
Contar hoxe os contos de onte permítenos reflexionar sobre as nosas crenzas, observalas coa perspectiva do tempo, contalas desde a visión daquelas pequenas que se fixeron grandes e cuestionaron unha e outra vez o papel das silenciadas, das que non tiveron voz.

O espectáculo tivo moita aceptación por parte do público e os nenos pasaron unha tarde moi divertida.

O martes, 3 de outubro, sintonizamos Radio Bulebule e  con Paco Nogueiras  desfrutamos en directo dun divertidísimo programa cheo de humor, baile e cancións.

A “Compañía espectacular” visitou Tui para descubrirnos os segredos dos Nunkis, un seres máxicos e descoñecidos que cautivaron ó noso auditorio acompañados de música e toda a creatividade de Belén Montero e Edward Guigourès.

Na tarde de onte A Xanela do Maxín achegouse á ALM de Dumbría, no concello do mesmo nome, para contarnos as historias e aventuras da gata Lúa.

Precioso contacontos que transmite valores, que entretén, que divirte,…
Gustou a nenos e nenas de idades ben diversas.
Perfecta animación á lectura. A rapazada asistente marchou con moitas ganas de ler o libro.

Moi recomendable U-la Lúa? Lúa quere viaxar a Marte…!

Contos de narración oral de Ana Carreira.

A sesión foi de dous contos : A rebelión das lavandeiras” que cheas de ser escravizadas e silenciadas deciden rebelarse e fuxir. Así , poderán rir, decidir, non deixar que as amedrenten e percorrer o mundo en busca de liberdade.

E o de “As princesas galiñas” cóntanos a historia dun príncipe que descobre que as fillas do rei foron convertidas en galiñas por unha bruxa. Cando estas se transforman de novo, xa non queren ser máis princesas.

Logrou en todo momento os sorrisos e gran participación dos nenos e nenas de Vila de Cruces.

Contacontos musical co escritor R. J. Peralta e a ilustradora Blanca Millán. Asistiron alumnos de 1º de E. Primaria do CPI de Pontecesures. Cantouse, contouse e conversouse da amizade, da tradición e d a labor dos avós na familia

Este luns 2 de Outubro a rapazada da Biblioteca Municipal de Dorneda participou nunha emocionante escape room. A monitora, Antía Yáñez, transformou a nosa sala infantil na escena dun crime: un cadáver, pistas, candados, quebracabezas e posibles sospeitosos. O equipo investigador tivo 60 minutos para atopar as pistas, resolver o caso e descubrir ao asasino.