O pasado sábado 30 de setembro realizamos un obradoiro de cómic na Biblioteca Pública Municipal A. Castelao de Betanzos.
Dirixidos polo debuxante Santy Gutiérrez aprendimos os trucos básicos para elaborar cada viñeta (planos, textos, marcas de movemento, sentimentos….). Partindo dun guión establecido polo autor, cada participante debía deseñar as seis viñetas que requería a historia, dando lugar a diferentes puntos de vista para unha mesma narración.
Caxoto na Biblioteca Municipal de Noia
Este venres, pasámolo en grande con Caxoto na Biblioteca de Noia, onde se puxo “Coas mans na masa” para elaborar un menú moi especial para os nosos nenos/-as, a base de contos de igualdade para desmontar os estereotipos de xénero.
Moitas grazas
Hoxe na Biblioteca Municipal de Ponteceso visitounos “O lapis que non quería ir á escola” un espectáculo de contacontos para nenos e nenas de entre 6 e 10 anos , no que se fomentaron valores entre os máis cativos e participaron activamente no conto. Posteriormente levouse a cabo un obradoiro no cal os nenos e nenas asistentes “escribiron/debuxaron” o seu propio conto “circular”cos persoaxes do contacontos.
Este xoves a Biblioteca Xograr Mendiño de Lorbé encheuse de maxia grazas á visita do Mago Pedro Bugarín có espectáculo Novo maxia para todxs.
Foi unha sesión divertidísima na que Pedro deixounos a todos abraiados cos seus trucos e simpatía.
O dia 26 de setembro veu visitar á Biblioteca de O Froxel “Fco. A. Vidal” de Arteixo, uns artistas moi especiais que mais que contar cantaron os contos e trouxéronnos música e ritmo ao son da gaita e a guitarra.
Trátase de AS JALOCHAS que coa súa actividade “RITMANDO” fixeron cantar e bailar á rapazada e aos maiores acompañantes.
A creatividade foi a merenda principal da rapazada mugardesa que se animou na tarde do xoves a crear o seu propio libro con despregables da man de Aida Alonso
.
Onte tivemos na Biblioteca de Culleredo un conto para bebés a cargo de Charo Pita. Foi unha sesión moi divertida e interactiva, onde os adultos e pequenos desfrutaron.
Onte, tivemos o pracer de gozar dunha actividade didáctica ao mesmo tempo que divertida. A rapazada participante estivo inmersa no mundo de Picasso durante o seu desenvolvemento. En primeiro lugar tiveron ocasión de visionar unhas imaxes sobre a vida do artista e sobre a súa obra xa, máis tarde pasaron á parte práctica e seguindo as instrucións dos monitores conseguiron facer e pintar unhas figuras cubistas en cartolina que puideron levar para as súas casas. A actividade foi un éxito e todos os participantes saíron moi contentos.
Na tarde de onte, as bibliotecas de Cambre recibiron unha estupenda sesión de contos, arrolos, cantos, xogos e ladaíñas para bebés e acompañantes.
Este xoves 28 na Biblioteca Rialeda puidemos gozar con CINCO RATIÑOS DE CONTO de Migallas. Bea montou unha mesa con diversas pezas e foi expoñendo os libros nos que se baseaban as historias dos libros A que sabe a lúa? ou A ratiña presumida a medida que ía contándoas. Cantou e fixo participar ao público infantil e tamén adulto.
Séguenos