O venres 22 setembro, ás 18:00 h, no auditorio da Biblioteca de Nigrán, tivemos: Os contos da leiteira, de OQO.

O venres 22 de setembro ás 12:00 horas tivo lugar no salón de actos da biblioteca municipal un espectáculo de maxia e conta contos a cargo de “Los Últimos” teatro. Durante 45 minutos nenos e nenas de 6 e 7 anos disfrutaron moito cos trucos e os contos da maga Sargantana.

A tarde do venres 22 de setembro tivemos na biblioteca unha sesión máxica con Pedro Bugarín.

E realmente foi  unha tarde máxica e moi divertida, na que as nenas e nenos asistentes, e  algunha persoa adulta, desfrutaron  e participaron dos trucos de maxia  con gran espectación.

O venres, 23  as nosas crianzas puideron gozar da profesionalidade e bo facer de Migallas Teatro.

Contounos  un  feixe de entretidas historias engalanadas con cancións e sorpresas que nos fixeron pasar unha  tarde moi,  moi entretida.

Moitas grazas, Bea.

Fran Campos e Filipa, contáronos unha morea de historias cas que pasamos un rato moi divertido pequenos e maiores

O pasado venres 22 recibimos a visita de Manuel Solla do grupo Os Carballiños,  con ” Voando libres”.  Puidemos desfrutar dunha agradable sesión de contacontos combinada con maxia. Nela @s cativ@s aprenderon a través dos contos valores de igualdade e superación persoal para poder conseguir os seus soños. Participaron activamente, na sesión de maxia mesmo elaboraron un delicioso pastel que puideron degustar.

Este pasado venres 22 de setembro tivemos no Auditorio do Concello de Pazos de Borbén a visita de AL GUANELLA co seu espectáculo “CONVERSAS CON TANA. acerca da igualdade de xénero” ao que asistiron o alumnado de Primaria do CPI “Curros Enríquez” de Pazos; e os usuarios da Asociación ASPAVI.

Este espectáculo teatral baseado na ventriloquía incluíu maxia, xogos de preguntas e respostas, cancións e a participación directa do público; e nel o granxeiro AL GUANELLA coa súa cadeliña TANA, mantiveron unha fluída e divertida conversa na que afloraron diálogos delirantes ata desencadear na cuestión da igualdade de xénero. combinadas con humor, cancións, ensinanza e moita sensibilidade.

Grazas a AL GUANELLA e a súa cadeliña TANA por volver outra vez ir a Pazos de Borbén a ofrecernos un espectáculo tan participativo e divertido.

O venres 22 de Setembro tivemos connosco a Patricia coa actividade Bibliocanta para os nenos e nenas do Colexio Público de Maceda.

Para iniciar o curso 2023-2024 un grupo de 10 rapaces e rapazas participaron neste divertido “scape room”. Conseguiron resolver as pistas e dunha maneira lúdica reflexionaron sobre a importancia deloitar contra os prexuízos a partir dos personaxes literarios.

O pasado venres 22 de setembro a biblioteca do Milladoiro encheuse dun grupo de rapaces e rapazas que se convertiron en auténticos detectives. E si!! Conseguiron dar co responsable do desorden da biblioteca!!