Este sábado tivemos a sorte de poder contar co conta contos con títeres de “Onde viven os montruos” da man da artista Carmen Domech. A actuación resultou ser todo un éxito e tamén nos contou o conto do mostruo de cores e unha canción sobre a boa alimentación. Para finalizar a actuación realizou un xogo para os máis cativos e cativas. A actuación foi moi dinámica e divertida e os participantes disfrutaron moito dela.
A tardiña do pasado venres 30 de setembro chegaron á Biblioteca Infantil de Sada as compañeiras de AZ Lingua de Signos para abrir unha maleta chea de contos en galego e lingua de signos para @s nen@s do lugar, actividade que nos serviu para celebrar o día europeo das linguas (26 de setembro) porque a lingua de signos tamén é unha lingua, sabíalo?
Preto de 40 persoas achegáronse ao mundo dos contos da man de O Titiribaile (Musicarte) con Erica González e David Castro. O seu espectáculo A sala de Catapunchimpun achegou ao público o maravilloso mundo dos contos dun xeito moi lúdico e entretido. Para repetirrr!!!
! 
O pasado venres 7 de outubro Tarabela Creativa ,formada por Carmen Conde e Diego Gallego, coa súa narración oral titulada “Astrolabios”, converteu a 21 nenos e nenas do C.E.I.P Plurilingüe San Miguel de Paradela en buscadores de estrelas, ademáis de coñecer a orixe das mesmas. Unha sesión moi amena na que os nenos e nenas ,aspiraban a seren astronautas da tripulación de Tarabela Creativa. Ao finalizar todos os participantes saíron con moita ledicia despois de aprender tanto cas historias que nos contou Carmen Conde.
O venres, 7 de outubro, tivemos un obradoiro de creación de esculturas de papel.
As nenas e nenos crearon pequenas esculturas utlizando papeis reciclados, engrudo e imaxinación.
Pasárono moi ben.
Moitas grazas Electra.
Espectáculo con moita maxia pero tamén con moitos contos, moitos personaxes e moitas risas.
Este domingo, 9 de outubro, visitounos na BPM de Catoira a autora Charo Pita, que nos contou e cantou fermosos contos sobre as emocións e as relacións interpersoais. Pequenas/os e maiores quedaron engaioladas/os coas historias da espelida Lebre e demais compañeiras/os de aventuras.
O pasado venres 7 de outubro a Biblioteca Pública Municipal de Narón recibiu a Damián Alonso co seu obradoiro Aprende a ler en voz alta, aprende a contar, unha actividade para maiores de 16 anos coa que reforzar as nosas habilidades para falar en público e contar historias.
Durante hora e media as participantes coñeceron as ferramentas básicas para chegar a ser unhas boas contadoras de contos. Tanto é así que pode que algunha se anime a facer algunha actuación na propia biblioteca!!
O martes día 4 de outubro comezamos as actividades de contacontos con Charo Pita á procura de Biosbardos.
Lebre, Lagarta, Cangrexo, Abella e o Vento Norberto foron os protagonistas de preciosas historias de camiños, cariño, amizade e da marabilla que é compartir con quen nos quere.
Foi unha tarde moi divertida de contos e cantos.
Séguenos