As “Fantasías de Papel” de Fátima Fernández foron o colofón no Día das Bibliotecas na biblioteca de Cenlle.
As nenas e nenos do CEIP de Cenlle e as súas profes visitaron a biblioteca e gozaron das fantasías desprendidas de libros pop up. Fátima canta e dramatiza as súas historias alimentando a imaxinación de todos os asistentes.
Para celebrar o Día da Biblioteca, onte viñeron os alumnos e alumnas de 6º de E. Primaria. Tiñamos unha actividade de Solovoz, que levou a cabo Damián Alonso. Aprendemos a crear un podcast: a redactar, gravar e editar. Con técnicas de locución, teatro e dobraxe. Lectura interpretativa, modulación da voz, vocalización e locución. Actividade dinámica e sobre todo moi participativa.
O Día da Biblioteca, visitounos Miguel Cortés Hernández. Con él fixemos un obradoiro de papiroflexia, que consiste en empregar un conxunto de técnicas que permiten realizar figuras en papel dobrándoo, sen realizar cortes con tesoiras nin usar pegamento. Só nos fixo falta un anaco de papel, paciencia, algunha que outra repetición e moitas ganas de aprender e divertirse.
Como celebración do Día da Biblioteca, o venres 21, Santiso ofreceu un obradoiro creativo: Xogo teatral con elementos naturais.
Nesta actividade os nenos e nenas participaron encantados traballando con contos e elaborando todo tipo de manualidades con elementos naturais.
O venres día 21 de outubro, festexamos o día das Bibliotecas, na compaña de Carmen Domech, co seu contacontos de marionetas e narración oral “contos para pasalo de medo”,dunha maneira moi divertida, na que os nenos e adultos foron os verdadeiros protagonistas. Pasámolo xenial. Grazas a Carmen Domech pola visita!!
Unha infinidade de personaxes, visitaron esta tarde a biblioteca de Vilalonga, da man dunha nena pequena Güe-güe, que mentras esperaba pola súa avoa quedou durmida nunha cesta chea de verduras. Coñecimos a “Misca” un cariñoso cachorro que buscaba a Güe güe, pero tamén apareceron un coello, un esquío, un lobo, unha cabra, unhas ovelliñas, unha ratiña, unha rá, un paxariño, un crocodilo, un calcetín amarelo, un cabaliño, un ourizo uns parruliños, e finalmente apareceu a avoa de Güe-güe, para recollela e regresar xuntas a casa..
Onte puidemos gozar do espectáculo “Contando números, cantando cores” de Pablo Díaz, onde escoitamos contos e cancións que fixeron as deleicias de grandes e pequenos. 
Día 21 de outubro de 2022 ás 11:05 en Escairón
Seguimos celebrando o mes das bibliotecas coa actividade do programa Ler conta moito…
da man de Cris de Caldas
o 21 de outubro, ás 11:00 na biblioteca
A través de varios contos soubemos que aínda que che digan que non podes facer algo, tés que saber que se queres, podes, como a xirafa á que lle decían que non podía bailar.
Soubemos de malvados viláns a valentes, todos teñen unha historia.
A soñar con que se eu fora…
E que o medo é medo, e ás veces un lobo da medo aínda que digas convencido que o vas papar!
Raquel falounos das pedras en Galicia, están vivas, nelas viven as mouras encantadas, as serpes, os trasnos e máis seres fantásticos.
Falounos do Nubeiro, o responsable de facer fortes treboadas.. Tamén enseñounos o misterio dos petróglifos, que os antepasados gravaron nas pedras ao aire libre, semellando mensaxes secretas pendentes de descifrar, auténticos misterios ocultos para nós.
@s @s nen@s de 2º e 3º ciclos do colexio de Moeche coñeceron ás máis destacadas científicas galegas e os seus logros na investigación científica, ao tempo que se achegaron á ciencia por medio de curiosos experimentos que causaron o seu asombro e admiración.
Todo da man de Patricia, a monitora de eduvía, con coñecementos, amenidade e simpatía.
Séguenos