O pasado Venres Elisa & Ian , da compañía 2 Minds Combined viñeron a Aranga para facer desfrutar á mocidade dun fabuloso espectáculo mistura de ilusionismo, humor, xogos de sombras, e moita maxia.
A serenidade de Elisa e o Gallenglish de Ian fixeron un espectáculo que foi un cóctel de risas, trucos e animación constante moi próximo a un abundante publico que non deixou de participar e de rir a gargalladas durante toda a actuación.
Este xoves, 30 de xuño, o parque do Piñeiral do Crego encheuse de festa, grazas ao contacontos ofrecido pola Biblioteca Xela Arias de Chapela dentro da celebración municipal polo Día do Orgullo LGTBIQ+
Manuel Solla, de Os Carballiños, achegounos “Voando libres”, un contacontos que falaba de tolerancia, de amor, de igualdade e de respecto ao diferente. Un espectáculo para eliminar clichés e trabas mentais, para poder voar libres segundo os nosos gustos e as nosas eleccións.
Nel contamos contos sobre tiburóns sen dentes, sobre ras vermellas, e moitas outras cousas máis… e asistimos a momentos de maxia e fantasía.
+ INFO no noso Weblog: https://bibliotecas.redondela.gal/voamos-libres-no-pineiral-do-crego-coa-biblioteca-xela-arias/
Un grupo de nenos, nenas e maiores asistiron o pasado venres á función Andar aos Biosbardos de Charo Pita. Foi unha tarde moi divertida con contos que falan da amizade, das dúbidas, dos atrancos, da marabilla que é compartir con quen nos quere.
Andar aos biosbardos
Paco Nogueiras, achegou o seu espectáculo ” Brinca Vai!”, ata a Biblioteca Pública Municipal de Guitiriz.
Cantamos, bailamos, brincamos, maiores e nen@s divertimonos da man de Paco Nogueiras. Baixo diferentes estilos musicais como rock, reggea, pop, ect, escóndense letras que van desde a amizade e a igualdade ata o respecto pola natureza ou as nosas festas tradicionais. Cancións para cantar e compartir, cancións para nenos e adultos.
Mirade que ben o pasamos!!
Gloria Mosquera de Mamá Cabra presentou en Brión o espectáculo musical “Patrimonio Natural”, un recital baseado no libro-disco do grupo Mamá Cabra titulado “A fraga do meu avó” publicado pola editorial Galaxia en 2019. Unha obra dirixida a público infantil que busca concienciar sobre a problemática dos bosques autóctonos e dos espazos naturais. Ler máis →
O xoves 30 de xullo na Biblioteca de Lourenzá pequenos e grandes desfrutaron cos experimentos que lles ensinaron as enormes propiedades da auga, e como hai que coidar o noso planeta.
Trispilistriñas trispilistriñas o que non come non ten barriguiña,
trispilistrolas trispilistrolas o que non come non ten barrigolas..
O martes día 28 os ne@s e moz@s de Coiro tiveron a ocasión de aprender a darlle unha segunda vida ás revistas, xornais e outros materiais de refugallo.
Divertido obradoiro onde se aprenderon distintas técnicas de cestería tradicional utilizando como materia base o papel, poñendo en valor a tradición e o esforzo que supón realizar este tipo de pezas únicas e personalizadas.
E xa coas mans á obra, “quen fai un cesto fai un cento”!
UNHA DAS MELLORES ACTUACIÓNS PARA BEBÉS,COM MOITA MÚSICA,DIFERENTES SONS,CERCANIA E PARTICIPACION TODO CHEO DE COLORIDO QUE CHAMOU A ATENCIÓN DOS PEQUECHOS E PEQUECHAS.
OS CONTOS ERA CORTIÑOS O QUE FACIA QUE OS PUIDERAN SEGUIR ACOMPAÑADOS DAS DIFERENTES MARIONETAS
Rematadas as clases iniciamos as vacacións cunha actividade onde se mesturan os contos tradicionais con pequenas dramatizacións. O público asistente, grandes e pequenos, pasárono en grande con esta achega á nosa tradición oral dun xeito tan lúdico como atractivo que nos presentou Nerea Brey.
Séguenos