Este venres 3 de xuño, cinco nenos e nenas desfrutaron dunha tarde de historia, aventura, misterio e diversión cun contacontos e obradoiro, impartido por Andrea Barreira, sobre a aviadora e aventureira Amelia Earhart. Puideron coñecer a súa historia e mesmo deseñar e construir os seus propios prototipos de avións.
Síntese do desenvolvemento da actividade:
Teatro para bebés de 0 a 3 anos con xogos musicais e de son moi interesantes. Vestiario moi chamativo para atraer a atención dos nenos. Os materiais utilizados estaban feitos con obxectos da vida cotiá facilmente replicables polas familias. A comunicación entre elas era non lingüítica, imitando o proto linguaxe dos bebés. Ao final da actividade deixaron os materiais que empregaron para que as crianzas puidesen explorar coas familias. En xeral unha actividade recomendable, onde podemos percibir que os bebés desfrutan.
Mira máis fotos e vídeos da actuación aquí.
Compartir con Charo Pita o contacontos de “A formiga na barriga” foi unha absoluta gozada para os quince nen@s e os adultos que os acompañaron.
Rimas, historias, xogos e cancións captaron completamente a atención de nen@s moi, moi pequen@s.
“A formiga na barriga. O cempés, alá nos pés. A tartaruga, na caluga. E a perdiz, pois… no nariz.”
Este sábado 28 de maio recibimos a Sheila García, da compañía Costa Oeste, que veu ofrecernos o seu obradoiro creativo Debuxar textos e ler debuxos con Florencio Delgado. Esta actividade é unha proposta de animación á lectura onde, grazas aos poemas de Florencio Delgado e á técnica dos caligramas, descubrimos a importancia das artes como medio de expresión artística. Cada participante deseñou a súa propia bolsa de tea contribuíndo deste xeito á sensibilización ambiental e á creación de conciencia en materia medioambiental.
Con esta actividade na que puideron participar persoas de todas as idades pechamos os actos conmemorativos do Día das Letras Galegas 2022.
NA BIBLIOTECA POETA CRECENTE VEGA DE CASTRO DE REI NENOS E MAIORES DISFRUTAMOS CON XOÁN CURIEL E O SEU ESPECTÁCULO
“COMO MONTAR A TÚA BANDA DE VERÁN”, UN CONTO-CONCERTO MOI DIVERTIDO,
DIDÁCTICO E PARTICIPATIVO.
Cantando os cantares é un percorrido a traves do libro Cantares gallegos de Rosalía de Castro. Farémolo a través da música, cantando varios dos poemas do libro e explicando o contexto e a temática desta importante obra da literatura galega, adaptada ós máis pequenos, axudándonos para facelo de diferentes técnicas de contacontos, ilustracións etc. Veremos que os problemas e as alegrías que tiña a xente daquel entón non distan moito dos que temos hoxe en día e falaremos de como Rosalía protestou polas inxustizas por medio do seu arte, a poesía.
Expresión Producións achegou á biblioteca do Grove “O Libro Vivo”, un espectáculo de animación á lectura con teatro, contacontos, monicreques, cancións e maxia; interactivo, dinámico e divertido.
Grandes e pequenos desfrutaron coas historias, personaxes, maxia, que deron pe a xogos para divertirse e pasalo ben mentras disfrutaban do mundo dos libros. Un espectáculo onde o fio é a ilusión, a maxia e os libros.
O xoves 18 de maio Sole Felloza visitaba a biblitoeca do Barco con unha maleta che de versos de Florencio Delgado Gurriarán.
Da maleta sairon un montón de versos que viñan entrelazados coas andanzasdo autor o longo de toda a súa vida dende o seu Córgomo natal cara o exilio a México, ata o seu finamento lonxe da súa terra natal.
A forma de narrar-representar de Sole fixo que tódolos presentes pasaramos un rato moi agradable.
Séguenos