Onte, 13 de outubro, Tereixa e Xacobe, ou o que é o mesmo “Pavís Pavós” reuniron na Biblioteca Municipal de Tui a un bo grupo de bebés, coas suas nais e pais, para unha sesión chea de contos, de cantos, de agarimo polos libros e pola vida.

Con esta actividade para os mais cativos seguimos celebrando os 50 anos da biblioteca municipal tudense.

Esta vez, nunha actividade de escape room na que tentaríamos axudar a Harry e a Hermione a fuxir. Mais o camiño non foi doado, os rapaces/as tiveron que resolver acertixos, atopar pistas e pensar na forma de empregalas de xeito útil… Toda unha aventura a contrarreloxo!

O domingo 10 de outubro estivo en Catoira David Ballesteros, da compañía Ceo Aberto, ofrecendo unha interesante charla na que o público, integrado por case 80 seguidores da saga de Harry Potter, descubriu os segredos que se agochan detrás maxia, baseados case sempre na ciencia.

Ana Facchini e  a súa maleta chea de contos, achegáronse, o martes día 13 de outubro ata Biblioteca Municipal da Silva. Tanto conta, conta tanto é un espectáculo cheo de historia, que nos ensinaron que todas/os somos igualiñas/os e que  os soños se poden cumprir, por moi aloucados que nos semellen.

Este obradoiro consistiu na representación dunha serie de escenas mediante as que se buscaba a complicidade dos asistentes e procuraba facelos partícipes das mesmas. O emprego da mímica e das onomatopeas fixeron que os cativos e cativas pasasen un intre moi entretido e cheo de risas.

Tomando como partida a novela “O xogo de Ender” (logo tamén levada á gran pantalla) os nenos e nenas achegáronse a ese microcosmos mediante o emprego de pistolas láser. Tamén conduciron un coche teledirixido feito con material de refugallo.

O venres, 9 de outubro, desfrutamos da Ciencia de Harry Potter de Ceo Aberto na biblioteca de Vilar de Santos.

Unha actividade moi interesante e con moi boa acollida entre os asistentes, na que a través de distintos experimentos, todos eles moi ben explicados por parte de David Ballesteros, puidemos percorrer o mundo creado por J.K. Rowling visto dende o punto de vista científico.

Durante o desenvolvemento desta charla científica, puidemos comprobar canto de realidade hai no relativo á maxia de Harry Potter  e descubrir que cousas dese máxico mundo poderían ser factibles na realidade e cales se quedarían soamente en ficción.

Unha actividade sen dúbida moi recomendable.

O conciñeiro Antón e a pasteleira Tomasa compartiron con nós en Rois o seu libro de aventuras!  E de paso… fixéronnos partícipes da grande intriga dunha cabaza encantada que merodeaba pola biblioteca.

Rematada a función, que combina narración oral cunha coidada posta en escena, as familias participantes realizaron un peculiar e terrorífico taller culinario de decoración de galletas.
Ata pronto, Antón e Tomasa, agardámosvos en Rois para novas aventuras!

O venres día 9 de outubro visitounos Ana Facchini e nos trouxo a súa maleta chea de historias e con elas demostrounos algo que xa sabiamos, que todas e todos somos iguais e podemos facer todo o que nos propoñamos.

Falounos da igualdade de un xeito moi divertido no que no faltaron cancións, baile (sempre sentadas e sentados nas cadeiras) e moitas rimas.

Ana Facchini engaiolounos a tod@s!!!

participaron sete nen@acompañados por nais pais e educadoras da galiña azul.Dentro das posibilidades que a situacion permite ,fixose unha actividade na que se procurou a implicación de tod@s e resultou  moi bonita e na que disfrutaron @s pequeniñ@s xunto coas familias.