Onte 24 de outubro, Día da Biblioteca, recibimos na Biblioteca Pública Municipal de Tui a Marisa Irimia que chegou cos contos da súa “Pirata escarlata” para os rapaces e rapazas usuarias da nosa Biblioteca, que ao longo da sesión participaron nas dinámicas de animación lectora de Marisa. Tantos os nenos e nenas (cerca de 40), como as nais e pais, se engancharon coas historia de sapos, principes e piratas que nos contou Marisa Irimia nesta visita.

A contada de Patricia en Camariñas foi moi divertida. Os nen@s xogaron e participaron en todos momento no desenvolvemento da actividade.

O mércores 23 de outubro estivo na BPM de Sober a contadora Fátima Fernández. Os integrantes do CL Pintor de Castinande escoitaron as historias narradas por Fátima ; historias das viaxes dos nosos mariñeiros ; historias de mulleres dos pobos galegos , criadoras de galiñas moi especiais. Con gran simpatía e profesionalidade a narradora conquistou aos asistentes á reunión semanal do CL.

Onte recibimos na Biblioteca Rego da Balsa a Eli Ríos. Esta escritora realizou dúas sesións dun obradoiro de diversidade sexual para mocidade, que destinamos a alumnado dun instituto da zona. Así, Eli, axudouse de materiais audovisuais e textuais para transmitir á rapazada a tolerancia e respecto cara a diversidade sexual, así como a importancia da igualdade na nosa sociedade.

O alumnado foise contento e con máis ideas no seu maxín, e que dicir da escritora, moi atenta e comprometida coa actividade!

Raquel Queizás visitou Touro para celebrar o día das bibliotecas e fixo as ledicias do público asistente.

Ven a conto Raquel Queizás

O cociñeiro Antón e a pasteleira Tomasa divertíronnos moitísimo co seu conto “A cabaza encantada” e seguidamente os nenos desfrutaron no obradoiro de galletas “monstruosas”.

Dentro da nosa programación especial do Día da biblioteca recibimos a Babaluva co seu obradoiro de ilustración, unha actividade na que os nenos e nenas deixaron saír a súa creatrividade, guiados/as polo bo facer de Miren Mirari.

Este obradoiro tivo lugar o sábado 19 de outubro na Praza de Galicia, ubicación veciña á nosa biblioteca a onde nos trasladamos para celebrar o noso día grande nunha xornada chea de actividades para todas as idades.

As celebracións do Día da biblioteca sacaron o noso servizo á rúa o sábado 19 de outubro. Instalámonos na veciña Praza de Galicia cunha carpa que acolleu diferentes actividades durante toda a xornada.

Os nenos e nenas puideron gozar do espectáculo “Estrafalaria”, de Atenea García, unha sesión de contacontos da que tamén disfrutaron moito as súas familias.

O xoves 24 tivemos en Portonovo para celebrar o Día das Bibliotecas, a proposta de Donde viven los cuentos.

Dúas piratas moi valentes que nos falaron da igualdade de xénero da man do conto de Daniela Pirata. Unha nena que quere ser pirata e que ten que sortear numerosas probas para demostrar a súa valía.

Os nenos e nenas axudaron nas probas, participaron do proceso dunha poción noxenta, a busca dun tesouro seguindo as pistas no mapa… para acabar recibindo as súas cicatrices como meritorios piratas. Máis dun saía contando que eran resultado da loita con tiburóns ou crocodilos!

Xoán Curiel estivo en Narón o pasado venres 18 de outubro para celebrar con nós o Día da biblioteca.

Aínda que a súa actuación estaba prevista na Biblioteca Central, as obras de acondicionamento do local obrigáronnos a trasladar a actividade á Axencia de lectura municipal da Gándara. Este espazo máis íntimo, dentro dun dos barrios máis poboados do noso concello, acolleu o concerto de Curiel, un espectáculo no que pon música á obra de mulleres poetas facendo un percorrido pola historia da poesía.