o xoves 24 de outubro Carlos Coira achegouse a Monforte para traer ao Sr Basilio e contarnos as súas marabillosas ideas. Máis de cen nenos e nenas de nove anos estiveron atentos as historias dun bibliotecario e a súa relación con Carliños. Maxia, cancións e contos foron os protagonistas desta historia.

Este xoves día 24, estivo na Biblioteca connosco Julio, da Asocición de Amigos do Museo Galego da Marioneta. Neste obradoiro lúdico-creativo de monicreques as crianzas crearon marionetas de variñas con materiais como xornais, cartolinas e variñas de pau. A actividade foi todo un éxito, os pequenos e pequenas saíron moi contentos cada un coa súa marioneta e, coa satisfacción de confeccionala eles mesmos.

Nun obradoiro interactivo e dinámico, trufado de experimentos prácticos, no que os nenos/as participaron de cheo, a rapazada de 4º,5º e 6º cursos de primaria do Concello de Moeche, achegados á biblioteca, coñeceron, asombrados, misterios e propiedades insospeitadas do líquido elemento, fundamento da vida.

Hoxe celebramos o día da biblioteca cunha gran festa: acompañounos Paco Nogueiras e o seu Radio BuleBule.

A través de cancións e consellos informounos da actualidade. Pasamos unha tarde moi divertida.

“Donde viven los cuentos” estivo en Sanxenxo o pasado xovese 17 de outubro cunha aventura sobre a igualdade de xénero en todas as profesións da vida a través da “Aventura de Daniela Pirata”.

Todos os nenos e nenas puxeron o seu graíño de area para axudarlle a Daniela a superar as 7 probas para converterse nunha auténtica pirata que surca todos os mares de fantasía. As nosas especiais piratas fixeron unha pócima máxica coa axuda dos participantes que contribuíron a engadir os mocos de bruxa, pis de sapo e … uff! A saber que máis!! Estiveron fantásticas!!

Contounos a historia dun neno galego, Breogán, que entra por arte de maxia no libro do Quixote de Cervantes. Alí, vive misteriosas e sorprendentes aventuras. Neste conto, Breogán descobre que as princesas non son como dicían os contos, e que poden facer cousas abraiantes.

Ademais de contar amenizou a sesión coas súas ilustracións que non deixaron indiferentes aos asistentes.

O mércores 23 de outubro levouse a cabo na biblioteca do concello de Lourenzá o espectáculo Ula Lúa? a cargo de Celtia Figueiras.
@S asistentes desfrutaron coas aventuras da gatiña Lúa e os seus amigos .Aprenderon o valor da amizade.

Pablo Díaz achegou ata a Axencia de Lectura de San Vicente o seu espectáculo “Contando números, cantando cores”

A rapazada asistente aprendeu a cantar, contar, traballar e reflexionar sobre a igualdade a través dos contos e a música

Para celebrar o día das bibliotecas visitounos Pablísimo,contounos unha serie de contos tradicionais, adiviñas, etc… Tanto os nenos como os maiores pasáronno moi ben.