Na biblioteca “Rosalía de Castro” de Arzúa desenvolveuse unha actividade de títeres titulada “O mago Alberte ten moito conto” na que, de xeito participativo, se aborda o problema do “bulling” propoñendo solucións.

O 7 de setembro os nenxs desfrutaron dun contacontos moi divertido a cargo de Gloria Mosquera e Diego Maceiras na Biblioteca Pública Municipal Xerardo Díaz Fernández. Actividade recomendada para nenxs a partir de 3 anos.

Gloria Mosquera, principal fundadora de Mamá Cabra, e Diego Maceiras contan varias historias con música e cancións nas que se tratan temas como o medo, o coidado da natureza, o acoso escolar, o saber dicir NON,… facendo reflexionar sobre a importancia da empatía, da prudencia, da superación persoal, da cooperación e da responsabilidade como necesarios mecanismos para a paz e a felicidade.

O xoves 19 de setembro tivemos bebés na Biblioteca. Paula Regueiro e Lucía L. Golán presentáronnos 3 Que animaliño é?.

“Paula o xilófono púxose a tocar e maxia fixo neste lugar”!

Por arte de maxia van aparecendo unha serie de animais que os máis pequenos recoñecen. Cada un deles trae un agasallo para os/as presentes.

Aparece a Señora Paxaro e trae outro paxaro para interactuar cos máis pequenos.

Logo virá a Señora Peixe, que trae de agasallo un pau de choiva que fai soar… E tamén moitas, moitas pompas e moi grandes…

A continuación a Señora Gatiño, cunha gran bola de lá como agasallo e moitas boliñas pequenos para xogar todos e todas.

Non faltan instrumentos musicais para bebés, para xogar a: arriba, abaixo, rápido, despacio…

Xogos e música para unha tarde fantática.

Remata a actividade cunha canción de despedida pechando o ciclo dos animais: adeus, quen son?…

Paula Regueiro e Lucía L. Golán, moi boas profesionais que logran captar a atención dos máis pequenos en todo momento. Moi recomendable para bebés de 0 a 3 anos.

Fantástico obradoiro segundo o método zentangle no que se decorou un poema de Gloria Fuertes sobre a igualdade.

Xa tivemos a oportunidade de contar con Elisabet Hillerud en outras ocasións e soamente podemos dicir que foi un auténtico luxo poder gozar da súa arte unha vez máis.

“Poema zen”fixo as delicias de tódalas participantes🤩🤩🤩

Cando se sae dunha actividade con ansias de que durase máis e máis, é que foi un éxito e gozouse unha chea😀; así, no obradoiro de iniciación á caligrafía chinesa co que os clubs de lectura iniciaban o novo curso.
Moitas grazas ao profesor, Miguel Cortés, por descubrir en cada un de nós ao chinés que levamos dentro ☺️☺️☺️☺️

                        Agggghhhh! Un cadáver na biblioteca de Redondela??? 😱
Son os Biotecnólogos escrarecendo un crime 😎😎😎

A través de enigmas e experimentos os participantes descubriron dun xeito moi divertido o que esconde o misterioso ADN e, con todo isto, ao culpable de tan “horrendo” 🙂 asasinato.

Recibimos na Biblioteca a Antía, gañadora do Premio Fina Casalderrey de Igualdade, que leu o seu libro a un grupo de escolares  que visitaron o centro.

Co gallo da volta á escola, e para facela un pouco máis lene a todas as nenas e todos os nenos de Brión, a biblioteca municipal organizou un serán musical a cargo de Luís Vallecillo, que presentou o seu espectáculo “Cantamos?”, unha entretida proposta de animación chea de divertidos números musicais de aire rock e blues en lingua galega para cantar, bailar, brincar e soñar. Ler máis →

Hoxe venres pola mañá, visitou a nosa biblioteca un dos grandes directores de orquestra do mundo, pensando en dirixir a uns músicos profesionais. A súa sorpresa foi grande ao atopar nenas e nenos do 1º curso de educación primaria dos dous colexios de Ribadeo sen ningún instrumento musical. O público esperaba un conta contos, así que o director decidiu relatarlles a viaxe que fixo unha nena chamada Sabela a través dun gran número de instrumentos musicais: pandeireta, castañolas, frauta de nariz, acordeón, turuta … para finalizar coa gaita. Nesta actividade Caxoto relata a orixe da paixón de Sabela pola música despregando a súa destreza no manexo de clásicos e insólitos instrumentos musicais.

A voz de Iria Mejuto e a guitarra de Richie Rozas fixeron emocionarnos en Láncara grazas á coidada selección de cancións e autoras, e a súa interpretación no concerto “Voces de muller”.

Os feitos máis destacados das biografías das cantantes compoñían un relato introdutorio a cada tema, onde se reflectían as dificultadas da muller no mundo cotiá e no mundo da música. E despois, as cancións que xa formaban parte da nosa vida, pero que puidemos gozar en vivo, e das que agora xa coñecemos á muller e a historia detrás delas.

Unha sesión musical para entender e valorar como influíron as mulleres non só na música, senón tamén nas humanidades e no feminismo. Un espectáculo inesquecible.