O venres 30 de maio tivemos a Tropa de Trapo na Biblioteca de Moaña. Tropa de Trapo esta formado por Marta Ortiz e Brais das Hortas e xuntos contaron e fixeron rir ao público asistente co seu espectáculo 4 monos.
Hai moitos anos, no Lonxano Oriente, naceu un símbolo que viña do poder para reprimir ao pobo: os Tres Monos Sabios. Un mono non oía o que pasaba ao seu redor. Outro non quería ver o que tiña diante. E o último calaba a boca para non dicir todo o que pensaba.
Eles déronlle a volta, os seu monos van escoitar, ver e falar. Van pensar, van actuar… e van ser catro!

Hoxe foi tarde de escape room na biblioteca de Esgos. Distribuídos en 4 equipos resolveron todos os enigmas dos “Misterios da biblioteca” para chegar a solucionar a proba final.

O martes 27 de maio recibimos a María da Pontragha na nosa biblioteca. María contounos historias cotiás de mulleres, que inspiran e provocan tenrura, e algunha lenda dun tempo pasado da nosa terra dun xeito tan divertido que nos fixo rir ás gargalladas. A través destas historias, María amosa a forza, a valentía, a insubmisión, a solidariedade, o apoio… que estas mulleres teceron nunha sociedade tan cativa que as limitaba. E aínda tivo folgos para cantar algunha pequena canción e regueifa que fixo, se cabe, máis amena a narración. Pasámolo xenial, moitas grazas!

Recibimos a Ana Meilán, autora de moitos contos que temos na biblioteca, que veu contar aos nenos e nenas a historia de Simón, un neno con fama de chorón que decide gardar as súas bágoas debaixo da cama.

O pasado 21 de maio celebramos as letras galegas na biblioteca con Antón Ké, cun contacontos ilustrado e musicado ao ukelele baseado na vida  e obra das mulleres homenaxeadas neste sinalado día. Pasamos unha tarde estupenda cun espectáculo moi animado que fixo desfrutar moito aos alí presentes.

A semana pasada convidamos ao CEIP de Cenlle a celebrar na biblioteca as Letras Galegas.

Contamos con duas actuacións, visitáronnos as cantareiras do concello de Cenlle e continuamos coa xenial actuación de Paco Nogueira.

Nen@s e profescantaron, bailaron e disfrutaron de principio a final da actuación.

Este sábado 24 de maio tivemos no Centro Cultural Lustres Rivas o obradoiro “A biblioteca ideal”. Gustavo levounos polo mundo dos libros e traballamos en común persoas adultas cos nenos e as nenas para facer o noso gran libro do que máis nos gusta. Xogamos, pintamos, escoitamos contos… Unha mañá marabillosa con Náufragos Teatro.

A Biblioteca Pública Municipal de Ribeira encheuse coas nosas peticións para a fin de semana.

Moito nos gusta ler…

O alumnado do CEIP Xosé Luis Taboada e os/as residentes do Centro de Día e Fogar Residencial do Concello de Carballedo para realizaron a actividade conxunta titulada “LETTERING CO CANCIONEIRO GALEGO” a cargo de Velaísca, coa que poideron compartir ideas e recordar cantigas o Cancioneiro Popular Galego.

O venres 23 de maio tivemos a actuación do grupo “Tilintilonia” na nosa biblioteca. Foi marabilloso!  As familias gozaron coa representación da actividade “O baúl da tía Tola”.  Facendo biblioteca!