Hoxe tivemos na Biblioteca de Muxía a María Canosa coa súa actividade “Perder o medo a través da poesía” , unha sesión moi participativa na que nenos e nenas se achegaron á poesía dun xeito diferente ao tempo que se enfrontaron ao propios medos e viron como coa poseía o noso mundo pode ser un poquiño mellor.

O xoves 11 de maio, ás 19:00 horas visitounos Martín Camiña co seu espectáculo de maxia. Os asistentes quedaron encantados con esta actividade do máis divertida que consistiu nun espectáculo de maxia na que se intercalaba información sobre algunhas das obras de Carlos Casares.
Público asistente:
cativos: 16
adultos: 21

Onte 11 de Maio, 45 nenos de 4 a 9 anos, descubriron a obra de Carlos Casares con Cris de Caldas.

Despois a Galiña azul foi a gran protagonista no obradoiro de marcapáxinas, no que pais e nenos compartiron experiencia . Esta actividade divulgativa foi  a nosa homenaxe o protagonista deste ano das Letras Galegas

O mércores día 10  de maio tivemos o pracer de ter con nós a ONGD Solidariedade Internacional de Galicia.
Na sesión a protagonista contounos que era filla de cooperantes e que por iso tivera a sorte de percorrer unha chea de países en vías de desenrolo, viaxamos por Guatemala, a India e por varios lugares do continente africano. Foi unha sesión divertida e moi interesante, onde pequenos e grandes apréndemos unha chea de cousas.

O xoves día 11  de maio tivemos o pracer de ter con nós a ONGD Solidariedade Internacional de Galicia.
Na sesión a protagonista contounos que era filla de cooperantes e que por iso tivera a sorte de percorrer unha chea de países en vías de desenrolo, viaxamos por Guatemala, a India e por varios lugares do continente africano. Foi unha sesión divertida e moi interesante, onde pequenos e grandes apréndemos unha chea de cousas.

Acabamos de rematar a celebración do DÍA DAS LETRAS GALEGAS 2017 adicado ao autor CARLOS CASARES coa estupendísima actuación de Cris De Caldas co seu espectáculo de narración oral “A galiña azul e compañía” e o posterior obradoiro de marcapáxinas.

Tivemos de invitados a esta actividade aos alumnos de 1º e 2º de Primaria de CPI “Curros Enríquez” de Pazos e a algúns dos alumnos de Asociación Aspavi.

Cris de Caldas explicoulle aos nenos dunha forma moi amena algunhas etapas e curiosidades da vida e obra do autor Carlos Casares e do significado da celebración do Día das Letras Galegas.

A galiña azul estivo moi ben acompañada, de xeito que tivemos a oportunidade de coñecer outras obras de Casares e algúns contos tradicionais.

Despois da sesión de contos desenvolveuse un obradoiro de marcapáxinas da galiña azul cos asistentes á actividade.

Aquí vos deixo unha fotos da excelente actuación de Cris De Caldas para que vexades a estupenda mañá que pasamos.

Ahí van…

Caxoto Contacontos  achegou ata a biblioteca municipal do Grove un divertido obradoiro de creación de videoclips no que participaron nenos, nenas, nais e, como non,  bibliotecarias.

O resultado desta divertida tarde o veremos en breve cando nos fagan chegar o videoclip xa montadiño

FRAN e a sua amiga FILIPA fixeron pasar a todos os nenos e adultos que acudiron a biblioteca unha xornada “filipante”, na tarde do mércores 10 de maio con unha actividade dentro do programa das Letras Galegas.  Música, humor e os contos de CARLOS CASARES: Lolo anda en bicicleta, a galiña azul e as historias de Toribio. Para rematar a sesión de contos, o animador acompañado pola sua guitarra contounos a historia de “HIPOQUÉ???????, un pequeno hipopótamo que pasaba o día querendo saber o “por qué” de todo, con unha divertida maneira de contar cantando esa etapa dos nenos, as veces esgotadora, pero tan necesaria, chamada a “dos porqués”. Os nenos fixeron os coros o longo de toda a canción. Pasárono moi ben.

O pasado martes, 9 de maio contamos na Axencia de Lectura de Baio con Gloria e Diego (acordeón) de Mamá Cabra recordando co alumnado do CEIP Labarta Pose as cancións e contos destes 15 anos de compañía coas que gozamos, aprendemos, cantamos e bailamos.

Un, dous,…. ¡O Viravai!! non llo digades a ninguén eh?

Se tendes a oportunidade aconsellámosvos que busquedes por onde anda o teixugo Paio.

Hoxe xoves, 11 de maio de 2017  estivo pola Axencia de Lectura de Baio, no Concello de Zas e o alumnado do CEIP Labarta Pose, puido coñecer os seus amigos e mesmo cantar con el e con Roni as súas cancións: a granxa, Armando o armadillo, o baile do tiburón, plátanos, a familia Sapo, Canadian farm e o mosquito Federico.