O venres, día 9 de maio tivo lugar un obradoiro titulado “Ciencia ou Maxia?” Foi unha experiencia moi positiva xa que foi unha actividade participativa na que os nenos e nenas asistentes quedaron engaiolados ó ver como os experimentos científicos daban unha explicación a uns fenómenos que, a primeira vista, parecían maxia. Gustoulles aprender como poden eles mesmos levar a cabo algúns deses experimentos científicos.

O pasado mércores 7 de maio celebrouse na Biblioteca do Mosteiro unha estupenda sesión de contos, música e danza da man de Raquél Galavís e Mato Armada co nome de Cantacontos. Máis de medio cento de nenos e pais gozaron do espectáculo cos contos e cancións de Elvis ou dos Chivos chivóns. 

Os nenos participantes no programa “Leer conta moito” poideron disfrutar da ciencia divertida que recollen moitos dos libros da biblioteca. Estos pequenos científicos leron e fixeron experimentos con Nita.

Este xoves, día 08 de maio, as nenas e nenos de ponteareas puideron gozar dun contacontos, titulado “Contos ao revés”, que gustou moitísimo

Charo Pita achegou ata a Biblioteca Municipal do Grove o espectáculo Triquitraque Traquetrique na mañá do sábado 10 de maio.

Trinta bebés acompañados dos seus pais e nais, asistiron a unha sesión moi especial de contacontos onde a narración de historias  viña acompañada de xogos de palabras, trabalínguas, xogos co corpo, cancións arrolantes, sons sorprendentes e música.

 A pesar de que os nenos e nenas eran moi pequenos, portáronse moi ben e estiveron atentos ata o final, escoitando e participando cos seus pais e nais nesta divertida sesión de animación.

Os personaxes  de  Brancaneve o os sete ananiños,  Carapuchiña Vermella, A casiña de chocolate e de outros contos clásicos, conviven e interactúan nun “totum revolutum” chamado “Lobo bobo”, contado por Elefante Elegante,  que propicia a reconversión das moralexas tradicionais dos contos clásicos en novos valores máis necesarios nos tempos que corren:  ecoloxismo, feminismo, etc.

De maneira divertida precorrese os distintos contos clásicos involucrando os nenos nun mundo de fantasía

O xoves 8 de maio ás 18 horas Forma Teatro desenrrolou a actividade para nenos menores de 3 anos ” Bebecontos de Choupiña e Trasnón” na que conxugaron música, baile, teatro e contos. Para rematar agasallaron aos nenos cunhas flores de papel.

Con moita presencia de nenos e nenas de Educación Primaria do Vicedo, un par de integrantes do afamado grupo Sarabela Teatro de Ourense presentaron unha actividade de animación á lectura: Conto Express. Unha actividade que trata de achegar o mundo dos contos tradicionais ós máis pequenos e difundir a imaxinación e a lectura. A actividade resultou moi entretida e das máis relacionadas coa promoción da lectura e da biblioteca.

Tarde de contos na Biblioteca Municipal a cargo de Os contos de Pablísmo. Contos cortos e divertidos, protagonizados todos eles por rás e sapos cos que os nenos e nenas asistentes coñeceron un pouco mellos o mundo dos batracios.