Deixamos unha imaxe do Escape Room Atrapados con Alicia que se celebrou o pasado día 25 de outubro na biblioteca de Teixeiro.

Os rapaces e rapazas disfrutaron moito desta actividade.

O xoves 24 tivemos en Portonovo para celebrar o Día das Bibliotecas, a proposta de Donde viven los cuentos.

Dúas piratas moi valentes que nos falaron da igualdade de xénero da man do conto de Daniela Pirata. Unha nena que quere ser pirata e que ten que sortear numerosas probas para demostrar a súa valía.

Os nenos e nenas axudaron nas probas, participaron do proceso dunha poción noxenta, a busca dun tesouro seguindo as pistas no mapa… para acabar recibindo as súas cicatrices como meritorios piratas. Máis dun saía contando que eran resultado da loita con tiburóns ou crocodilos!

O xoves 24 de outubro, Antía Yáñez estivo na Biblioteca de Portonovo para compartir con nos a súa proposta feminista.

Unha actividade moi interesante para descubrir ás mulleres que fixeron historia en Galicia e que non son visibles ás veces.

Figuras coma Exeria, a raíña Urraca, Emilia Pardo Bazán, Concepción Arenal, Elisa e Marcela… mulleres que forman parte da nosa identidade e non sempre no lugar que lles correspondería.

O martes 22 de outubro tivemos a Teatro Calavera coa súa proposta máis doce: “Chocolate”

E a verdade e que o pasamos moi ben, desfrutamos tanto maiores coma cativos e cativas.

Descubrimos as aventuras da pasteleira Tomasa para acadar a súa receita máis doce, que coas recomendacións do cociñeiro Antón, logrou unha receita apetecible para todos os participantes!

Coma sempre, un acerto e un pracer!

Grazas Teatro Calavera

Nova sesión de Tardes de Contos e Lendas na BPM de Ordes. O venres 18 de outubro a nosa actividade foi un éxito!

O venres 11 de outubro estivo Sole Felloza na Biblioteca de Portonovo coa súa proposta de Igualdade.

Tanto peques coma maiores pasámolo de marabilla coas historias de Bolboretas. E aínda que Sole rematara, alí ninguén se moveu do sitio agardando por máis 😍
Unha tarde moi divertida e sen esquecer o tema da Igualdade.
Moitas grazas Sole!!! E ata a próxima 😉

O pasado 10 de outubro estivo con nós Pablísimo, contándonos contos de príncipes que pasaban o ferro e princesas valentes e ensinounos unha gran mostra de instrumentos de tódalas partes do mundo, invitándonos a participar con él tocando eses instrumentos para amenizar outro conto.

O público saíu encantadísimo e desexando telo de novo pola biblio de Mondariz-Balneario.

O mércores 9 de outubro tivemos a Charo Pita coa súa proposta para bebés.

Foi un rato moi ameno e divertido, xa que os bebés desfrutaron tanto coma as nais, avóas e pais.

Coa familia Papaventos coñecemos a moitos animais, cantamos cancións, bailamos e rimos.

Moitas grazas a Charo Pita pola súa visita!

O venres 4 de outubro, en “Tardes de Contos e lendas” tivemos con nós a “Garabato de xogos”. “Unha armadura con ferruxe “. Espectáculo estupendo e divertido. O público disfrutou moito e aprendemos ago máis sobre a igualdade, a familia, as guerras…

Pablo Díaz chegou á Biblioteca Municipal de Lugo cunha chea de contos.

Pero ademais, ao final, regalounos algunhas das súas cancións máis coñecidas, coas que os nenos e nenas gozaron cantando e bailando.