O mércores día 2 de outubro, visitounos no Auditorio do Concello Maria Paz Gutierrrez de Solidariedade Internacional de Galicia, co seu espectáculo “CONTOS DO MUNDO”.

Contos do Mundo é unha campaña de educació multicultural que fomenta o coñecemento doutras culturas para erradicar futuros comportamentos racistas, xenófobos, etnocentristas e a creación de prexuízos e estereotipos culturais e sociais.

A través das súas narracións Maria Paz Gubierrez trasladounos ao deserto do Sahara, ensinándonos a súa fermosa e pintoresca xeografía, os costumes e lendas dos saharauís e facendo participar moi activamente ás máis de 150 persoas que asistiron á sesión.

Esta actividade encádrase dentro do programa LER CONTA MOITO da Rede de Bibliotecas de Galicia, promovido pola Secretaría Xeral de Cultura da Consellería de Cultura, Educación e Ordenación Universitaria da Xunta de Galicia.

Para máis información visita o blog de BIBLIOPAZOS, a Biblioteca Pública Municipal de Pazos de Borbén.

A Biblioteca Pública Municipal de Pazos de Borbén (BIBLIOPAZOS), celebrou o pasado día 30 de setembro unha nova actividade de Animación á Lectura, dentro do programa LER CONTA MOITO da Rede de Bibliotecas de Galicia, co obradoiro creativo “Dende o punto ó infinito” de Expresións Produccións, no que Manuel Solla Barragáns mediante a dramatización de contos, historias de animais, un pouco de maxia e, sobre todo,  moita diversión foi quen de conseguir que os asistentes participaran moi activamente na sesión.

Darlle unha ollada ás imaxes e poderedes ver o resultado:

Trinketrinke Teatro trouxo “Os ratiños da caixa” o venres 4 de outubro á Biblioteca, trinta e sete nen@s gozaron da súa actuación.

Durante 40 minutos Gonçalo Guerreiro, da compañía Elefante Elegante, valéndose de variados recursos escénicos, desenvolveu unha historia a metade de camiño entre o poético e o fantástico para suxerirlle ós nenos que o noso planeta é moi rico e diverso e da  necesidade de conservalo

Onte, 3 de outubro, Raquel Queizás foi a encargada de contar contos na Biblioteca Central “Henrique Rabuñal” de Arteixo. Durante unha hora,  foi sacando da súa “maletra” diferentes historias que acapararon a atención dos asistentes, tanto da rapazada coma dos adultos que os acompañaban. Uns e outros foron cómplices e participaron activamente na sesión.

Este xoves 3 de outubro Larraitz entreteunos a pequenos e maiores durante unha hora relatando contos con moita énfase, a rapazada mostrouse accesíbel a participar das historias que tiveron lugar dende as 18.50 ate as 19.50 horas. No primeiro dos contos soupemos dunha faba máxica que medraba e medraba ata sobrepasar as nubes e chegar a casa dun ogro, na seguinte aventura, “O vento de Antón” descubrimos que os plátanos poden ser golfiños, as berenxenas baleas, as cenorias cohetes espaciais e as laranxas o planeta Terra, e así nos pasou a tarde xogando coas froitas e demais.

O xoves 3 de outubro ás 18:30, a compañía Elefante Elegante presentou o seu espectáculo “O Aviador” na Biblioteca Central Rialeda de Oleiros. Os nenos e nenas divertíronse moito coa actuación de Gonçalo e o seu amigo o moucho,  que ten que vivir na oscuridade. Utilizando o teatro de sombras e os monicreques, narraron diferentes historias.

O 2 de outubro fixemos esta actividade dividida en dúas quendas, de 0 a 3 anos e de 3 a 6, ámbalas dúas parten dun conto sobre un globiño vermello, para comezar a facer experimentos co globiño, a partir de alí e coa axuda de obxectos e materias de uso cotiá, faise ciencia, experiméntase coa física e a química, dende inchar un globo utilizando vinagre e  bicarbonato a crear a nosa propia lámpada de lava.

É una actividade sorprendente, orixinal e divertida, gustou moito.

Complementouse a actividade cunha pequena exposición cos fondos sobre Física, Química, experimentos e inventos.

Día 6 de setembro de 2013 ás 17:00, na axencia de lectura Maruchi Arias de Currelos

A Asociación Cultural Os Carballiños, cos seus Contos vivos pertencentes ó repertorio do programa Ler conta moito.

O contacontos co seu moi especial chapeu, a súa divertida maleta compartiu connosco un gran repertorio de historias de animais salvaxes, cheas de maxia e ilusión.

Juanito quería unha mascota a toda costa, pero todo eran problemas porque á súa nai non lle convencían nada as mascotas que escollía, ata que por fin, … atopou a mascota que súa nai lle permitía ter na casa.

Vimos un libro máxico, que o mesmo non tiña debuxos, pero co noso esforzo e concentración aparecía cheo de ilustracións, e incluso con máis concentración se enchía de cores.

Pasámolo moi ben, rimos e participamos cantando a canción “Tiburón, tiburón”.

Día 6 de setembro de 2013 ás 12:00, na biblioteca de Escairón

A Asociación Cultural Os Carballiños, cos seus Contos vivos pertencentes ó repertorio do programa Ler conta moito.

O contacontos co seu moi especial chapeu, a súa divertida maleta compartiu connosco un gran repertorio de historias de animais salvaxes, cheas de maxia e ilusión.

Juanito quería unha mascota a toda costa, pero todo eran problemas porque á súa nai non lle convencían nada as mascotas que escollía, ata que por fin, …

Escoitamos moi atentos para saber que pasaba a continuación.

A historia do tiburón sen dentes rematou moi ben, e con esta historia cantamos e bailamos.

Esta mesma actividade desenvolveuse pola tarde na biblioteca de Currelos.