Soledad Felloza, con “Unha viaxe ao mundo de Carlos Casares”, estivo o venres na Axencia de Lectura Municipal de Domaio dentro do programa “Ler conta moito”. Unha magnífica proposta para fomentar a lectura entre os máis pequenos e achegalos ao universo do autor homenaxeado este ano no Día das Lestras Galegas.

Soledad conecta moi ben cos máis cativos e tamén cos maiores. É unha gran narradora dotada de moita expresividade que fai moi amenas as historias que conta.

A xornada anterior ó Día das Letras Galegas a TITIRICLETA do TITIRICLETEIRO chegou á biblioteca dos Tilos, pilotada por un grupo de monicreques solidarios chegados de Bangladesh, a India, Guatemala… Anxo Moure levou ás nenas e os nenos de viaxe a mundos fantásticos, na procura da paz. As persoas que asistiron desfrutaron dunha tarde fermosa de contos na nosa lingua e de historias de todo o mundo.

Para rematar o programa Ler Conta Moito 2017  visitounos Bandullo Azul co seu espéctaculo ” Filipa” cos contos.

Deste xeito celebramos  o día das Letras Galegas  cunha viaxe polos contos e o repertorio infantil de Carlos Casares amenizados con música e cancións en directo.

Os nen@s disfrutaron dun espéctaculo dinámico e divertido con Fran Campos

Pasámolo moi ben!!

.

O pasado martes 16 de maio, Eduvia Educación achegouse ata a ALM de Corvillón para xogar cos nenos e nenas ao Gran Xogo das Letras Galegas… pasaron unha divertida tarde e de paso coñeceron un pouco máis das obras e autores máis destacados da nosa literatura, facendo fincapé por suposto na figura do homenaxeado este ano, Carlos Casares.

O pasado martes co motivo dos actos organizados para a celebración das Letras Galegas, tivo lugar en Touro, o Gran Xogo das Letras Galegas, impartido por Eduvia. A través deste divertido xogo por equipos, os/as participantes coñeceron algo máis sobre a orixe e significado do Día das Letras Galegas, e os autores homenaxeados ata o momento,ao tempo que descubriron interesantes datos sobre a vida e obra do autor homenaxeado este ano, Carlos Casares.

A actividade gustou moito e os/as asistentes marcharon encantados!

O pasado luns 15 de maio Eduvia Educación iniciou un periplo polas axencias de lectura de Cambados para celebrar cos nenos e nenas “O gran xogo das letras Galegas”. O obxectivo era poñelos a proba nos seus coñecementos dos autores e obras máis detacados da nosa literatura… e non o fixeron nada mal! velaí van algunhas imaxes…

O pasado luns 15 de maio, adiantamos a homenaxe a Carlos Casares para celebrar cos centros de ensino do concello unha fermosa xornada na que houbo recitados, teatro e sobre todo música para honrar ás nosas letras da man de Migallas.

A compañía veu co seu espectáculo Canta connosco! que fixo as delicias de pequenos… e non tan pequenos… A biblioteca municipal Luís Rei, grazas  ao programa Ler conta moito, puido contar con esta actividade que serviu para unir a todos os colexios da vila no Paseo da Calzada de cara a festexar o día das Letras Galegas dun xeito especial… velaí van algunhas imaxes…

Pablo Díaz fixo as delicias dos máis pequenos no Día das Letras Galegas 2017. Tarde de música e contos nun día tan especial para Galicia.

Cantacontos para bebés con Pablo Díaz en Porto do Son

Soledad contou dunha maneira moi sinxela pero con gran sentimento os contos máis coñecidos de Casares, como a historia de Ana, a nena que máis felicidade esparexía pola súa aldea, pero un día a súa familia decide emigrar para buscar un futuro mellor, entón Carlos queda pensativo, non pode permitir q Ana perda a súa lingua e as aventuras da xente da aldea. Idea un plan en que vaille escribir tódolos feitos tan peculiares que pasan nese lugar: como o día que apareceu unha galiña azul que dicía kokorÓ, e as autoridades querían facerlle dano; ou o día que o peixe do estanque morreu por ser solidario cun paxariño; ou cando Leoncio creou a bomba da felicidade…