Hoxe venres pola mañá, visitou a nosa biblioteca un dos grandes directores de orquestra do mundo, pensando en dirixir a uns músicos profesionais. A súa sorpresa foi grande ao atopar nenas e nenos do 1º curso de educación primaria dos dous colexios de Ribadeo sen ningún instrumento musical. O público esperaba un conta contos, así que o director decidiu relatarlles a viaxe que fixo unha nena chamada Sabela a través dun gran número de instrumentos musicais: pandeireta, castañolas, frauta de nariz, acordeón, turuta … para finalizar coa gaita. Nesta actividade Caxoto relata a orixe da paixón de Sabela pola música despregando a súa destreza no manexo de clásicos e insólitos instrumentos musicais.

A voz de Iria Mejuto e a guitarra de Richie Rozas fixeron emocionarnos en Láncara grazas á coidada selección de cancións e autoras, e a súa interpretación no concerto “Voces de muller”.

Os feitos máis destacados das biografías das cantantes compoñían un relato introdutorio a cada tema, onde se reflectían as dificultadas da muller no mundo cotiá e no mundo da música. E despois, as cancións que xa formaban parte da nosa vida, pero que puidemos gozar en vivo, e das que agora xa coñecemos á muller e a historia detrás delas.

Unha sesión musical para entender e valorar como influíron as mulleres non só na música, senón tamén nas humanidades e no feminismo. Un espectáculo inesquecible.

O xoves 20 de setembro foron os cativos do Milladoiro os que puideron gozar da escoita de contos, de xogos de maxia, de cantar cancións e ata de imitar a animais da man de Manuel Solla e o seu espectáculo A maxia dos contos.

O mércores 18 de setembro máis de 50 persoas entre grandes e cativos gozamos dun estupendo espectáculo da man de Manuel Solla no que escoitamos contos, cantamos cancións, xogamos a imitar aos animais e ata vimos maxia. Unha estupenda tarde!

O xoves 19 de setembro tivemos a sorte de que nos visitasen na biblioteca de Lorbé Pitusa Semifusa e a súa avoa, que nos ofreceron un concerto infantil no que nenas, nenos e maiores desfrutamos moito das cancións e a música cantando, batendo palmas, bailando, e mesmo formando un grupo musical. Unha sesión chea de música, ritmo e cancións orixinais coas que todas e todos aprendemos as familias dos intrumentos musicais: “vento ,corda, corda, vento e se fai <tatá, tontón> será a de percusión… ”

Bego Bras estivo o día 14 de setembro na biblioteca cun contacontos sobre igualdade e diversidade no que participaron nenas, nenos e familias. A continuación, os asistentes desfrutaron do mini obradoiro teatral “Como se ergue un neno pola mañán. E unha nena?”

Sabela é, en aparencia, unha nena coma outra calquera: chea de soños, valente, aventureira, alegre. Pero ao afondar na súa historia descubrimos que hai moi pouco tempo que se chama así, antes era Daniel. Por medio de contos, cancións, teatro e divertidas sorpresas, consigue  dun xeito moi acertado a concienciación da identidade e igualdade de xénero, así como poñer en valor a dignidade  de todas as persoas.

Vén a conto, de Raquel Queizás.

Realizado no xardín da Biblioteca Pública Municipal de Nigrán, con moitísimo público asistente, e algúns incondicionais da artista 😉

O día de onte, 19 de setembro,  tivemos a sorte de ter con nós ao equipo de Trécola teatro, que nos presentou a actividade “Sen medo”, onde aprendemos moitísimo sobre as grandes mulleres empoderadas da nósa sociedade e que nos fixeron pasar un rato ben divertido con contos, cancións e bailes.

Este xoves, na biblioteca, tivemos a visita de David Ballesteros que amosounos como a maxia de Harry Potter ten unha base científica explicada a través dos seus experimentos.

Os nenos e nenas divertíronse moitísimo participando na realización destes experimentos e contestando ás respostas que David lles facía sobre as proxeccións do colexio, o sombreiro falador…

Ciencia en Ruta ofreceunos unha entretida sesión informativa e moi interactiva cos nen@s sobre o noso sistema solar e algunhas mulleres que ao longo da Historia destacaron neste campo tradicionalmente reservado aos homes.