O venres 25 de setembro puidemos disfrutar na biblioteca de Nós da compañía do autor e ilustrador Anxo Fariña que nos contou a historia de Dulcinea e foi quen de transformar as nenas e nenos asistentes en serea, unicornio, lobishome … sempre sobre o papel, claro, retratos que despois levaron ás súas casas.

Foi unha sesión moi divertida na que nenas e nenos quedaron con ganas de máis contos e máis debuxos.

Música, malabares e ganas de seguir…bailando, o 26 de agosto na praza do Mesón do Barqueiro de Mañón

Contos para todas as idades e xéneros, contos en igualdade, o 19 de agosto no centro sociocomunitario do Barqueiro, Mañón.

O venres, 25 de setembro, Charo Pita agasallounos  con historias sobre mulleres  aventureiras reais e ficticias, aderezadas con algunha canción.

Os nen@s estiveron engailoados durante toda a sesión.

Para volver a repetir.

O 12 de agosto a choiva recolleunos mais a caixa non deixou de transformarse…e nós de soñar.

“Maxia de aquí e de acolá” é o resultado dunha mestura entre máxia, comedia e improvisación, onde a participación do público está presente en todo momento. Unha escenificación versátil e áxil que transmite  habilidade e enxeño usando elementos cotiáns  como una corda, una mesa…elementos que poden emerxer da nada, esvaecerse ou trocar de apariencia.

O pasado venres, 25 de setembro estivo en Vila de Cruces Esperanza Mara co contaconto “Xogando coa Música”

Contou a historia dunha soprano que non conseguía volver a cantar xa que nunha actuación un rapaz se rira dela e grazas a o polvo Neón e o peixe don Feixe que lle deron a solución, pasar un día coa serea Medea e a través de diversas actividades e  cancións foi ensinando as distintas familias dos instrumentos musicais e foi recuperando a ilusión para rematar  cantando coma unha gran soprano.

Os nenos/as de Santiso aprenderon a comer de maneira saudable e de forma divertida co raposo Rufo.

A escritora María Canosa visitou a Biblioteca de Carral para quitarnos os medos co seu recital Versos para perder medos. Falounos de monstruos, da escuridade, dos cans… E fíxonos pasar un bo tempo mentres que iamos deixando atrás os nosos medos.

E despois veu Patricia, de Eduvía, cargada de contiños e estímulos para que os bebés, nais e pais que nos acompañaron, descubriran un modo especial de estimular os nosos sentidos. Pasáronno tan ben, que case non os damos botado da biblioteca!

Xa estamos agardando por Andrea Barreira para aprender a escribir as nosas propias historias e ao Xigante de Elefante Elegante.

Unha vez máis chegou a Muxía o gran Anxo Moure , o Carballo con Botas, cos seus contos que promoven valores positivos e solidarios. Desta trouxo a todos os nenos e nenas que se achegaron a escoitalo o valor da paz , a solidariedade e o coidado da natureza, da man dunha muller inmensa como Wangari Maathai.