Elba e Marcos non comparten os seus xoguetes e iso non está ben. Os seus xoguetes cobran vida para darlles unha lección, ensínanlle a Elba e Marcos que compartindo gózase máis das cousas. Xogos, bromas, cancións, sustos, feitizos máxicos e moitas risas. Estes foron os ingredientes para que con Elba, Marcos e Duende Sico os nenos do público pasáseno moi ben
O xoves, 5 de maio, recibimos a visita de Polo Correo do Vento. Con eles mergullámonos na vida e obra de Florencio Delgado Gurriarán, de xeito educativo e moi divertido. Mesturando a narración oral, na que destacaba o recurso ao humor e a procura da participación dos/das cativos/as, coa elaboración dunha caricatura do homenaxeado polo Día das Letras Galegas 2022, que os/as participantes aprenderon a realizar seguindo as recomendacións que lles ían dando. Unha tarde moi entretida.
Onde viven os monstros
O pasado xoves Carmen Domech contoulles aos rapaces e rapazas das Pontes contos como Onde viven os monstros ou O monstro de cores. Tamén outros contos da súa autoría que insistiron na necesidade de comer ben. O contacontos, inserido no noso programa Xoves na Biblio, foi moi ben acollido polo público pontés.
O pasado 29 de abril a rapazada de Vite puido desfrutar dun obradoiro de encuadernación no CSC de Vite do Concello de Santiago, dirixido por Sara Guerrero, deixando que cada quen plasmase a súa personalidade no caderno. Os participantes quedaron moi satisfeitos co proceso e resultado do obradoiro, e esperaron con moitas ganas a seguinte sesión, na que encherán o caderno cun conto de elaboración propia.
Na segunda sesión, realizaron un obradoiro de escritura creativa no que encherán as páxinas en branco dos seus cadernos. Os resultados foron unhas libretas moi orixinais, tanto pola estética como os contidos. Foi unha experiencia moi satisfactoria
O sábado, 7 de maio visitou a Biblioteca Xerardo Díaz de Porto do Son o Mago Paco, co seu espectáculo “Contamaxias”
Actividade divertida e dinámica. O Mago Paco conseguiu arrincar o sorriso e admiración do público asistente utilizando trucos de maxia. Os nen@s puideron interactuar co mago e mesmo lograron realizar algún truco. Todo esto con varios relatos de literatura infantil como fío conductor.
Esta actuación enmárcase dentro das actividades de dinamización da lectura nas bibliotecas e axencias públicas de titularidade municipal da Consellería de Cultura, Educación e Universidade.
O día 29 de abril veu de visita Anna Facchini para contar “Contos da pota ” o pasamos moi ben e nos reímos moito. Foi estupendo e pasamos unha tarde estupenda.
Na mañá do sábado 7 de maio, tivemos a sorte de contar con Ton, de Mircromina Títeres, para poñer mans a obra, nun divertido obradoiro de cartón onde desfrutamos e construímos distintos personaxes, deixando voar a nosa imaxinación.
Representación do conto “Garavanciña e o esquío” con monicreques e busca de recursos sonoros para musicar o conto. Crearanse os sons con voces, con obxectos naturais e obxectos da vida cotiá: auga, xornais… e formarase unha orquestra grupal con instrumentos para acompañar as cancións do conto. 
O pasado venres tivemos na Axencia de Lectura de Domaio ao grupo Barafunda animación. Pequenas/os e maiores divertíronse moito con Leda e o seu avó Cristovo, o censor de monstros, que viñeron a Domaio para descubrir os monstros e seres fantásticos que habitan en Galicia.
Séguenos