Boa selección de fragmentos do libro “O Principiño” coa música de dous clarinetes en directo que acentúan as emocións. Sesión moi potente.

A lúa como protagonista nunha sesión divertida e participativa. Imaxinación en todo o relato.

O venres día 5 de xuño a Biblioteca Municipal da Estrada acolleu o seu segundo espectáculo do programa Ler Conta Moito do ano 2026. Nesta ocasión, recibiu a visita de Raquel Queizás e as súas Raposadas, con historias e contos que fixeron as delicias dos nenos e nenas estradenses.

Este pasado venres día 5 a cativada pasouno  en grande con Ecoralia, a lambona ecolóxica”: música, maxia e rock para coidar o planeta.

Unha proposta musical e narrativa que nos ensinará a través das súas cancións e contos a importancia de consumir alimentos ecolóxicos, para coidar o medio ambiente, combater o cambio climático e garantir o benestar animal.

O pasado día 5, a nosa rapazada participou nunha charla sobre o impacto dos plásticos no medio ambiente. A continuación, puxeron as mans na masa nun obradoiro creativo utilizando lixo mariño recollido na Costa da Morte. Unha experiencia do máis gratificante que combinou a aprendizaxe coa diversión e a concienciación ecolóxica.

Fanny Medioambiente descubriu a través dos aparellos científicos o mundo da microbioloxía, e como se poden ver as pequenas, pequenísimas células que compoñen os seres vivos.

A cativa participante, que veu chea de curiosidade, estivo moi colaborativa e moi atenta a todo o que lle amosaron.

O pasado venres 5 de xuño contamos coa compañía Trémola Teatro coa representación do espectáculo Nube de algodón. A proposta, dirixida especialmente a bebés e ás súas familias, converteuse nunha experiencia chea de tenrura, participación e descubrimento emocional.

Durante a sesión, as crianzas acompañaron a Nube, unha pequena protagonista que cambia de cor segundo as emocións que sente: alegría, tristeza, enfado ou sorpresa. A través da narración, da música, dos estímulos visuais e da interacción co público, o espectáculo convidou ás familias a explorar o mundo das emocións dun xeito próximo e adaptado á primeira infancia.

As persoas asistentes participaron activamente nunha proposta que combinou o conto oral co xogo e a expresión emocional, creando un ambiente acolledor no que bebés e persoas adultas compartiron momentos de atención, curiosidade e complicidade. A delicadeza da posta en escena e a proximidade da intérprete favoreceron unha experiencia especialmente pensada para os máis pequenos e pequenas da casa.

O éxito de participación e a excelente acollida recibida por Nube de algodón volveron demostrar o interese das familias por actividades culturais de calidade dirixidas á primeira infancia, reforzando o compromiso coa promoción da lectura e da educación emocional desde os primeiros anos de vida.

Co gaio da celebraciónlebrando as actividades enmarcadas nas Letras Galegas, na biblioteca de Coiro  da man de Trémola teatro tivemos a ocasión de recordar ás avoas e os seus cantares. Avoas que emigraron e que seguiron cantando en galego facendo perdurara  canción en galego de xeración en xeración. Tarde divertida onde a animadora conseguiu que adultos e pequeno arrincarana bailar e dar palmas ao son das cancións da avoa.