Trátase de que cada participante realice a súa propia páxina de cómic, disfrute debuxando e aprenda os recursos de expresión do cómic.

Excelente obradoiro o impartido o 21 de abril por Santy Gutiérrez, onde intercala teoría e práctica a medida que vai artillando a páxina. Desenvolve a  actividade dunha maneira moi didáctica, pois partindo dunha práctica real, vainos achegando á linguaxe do cómic.

Comeza facendo un paralelismo coa linguaxe do cinema que vai comparando coa linguaxe do cómic.

Reparte aos participantes un folio cunha historia situada no ano 1367 que haberá que convertir nunha páxina de cómic. Hai un guión literario e un guión técnico, co que debe ir en cada viñeta. Cada mozo/a haberá que ir seguindo este guión.

Unha vez lido o texto, debemos centrarnos no deseño dos personaxes, fixarnos nas súas características e mantelas ao longo das viñetas, tendo en conta a época na que se desenvolve o texto.

Sinala a importancia da distribución de cada viñeta. Primeiro situar os textos e encerralos en “bocadillos”. Vai aproveitando para comentar os diferentes tipos de bocadillos, dependendo de cada situación, as onomatopeias, os diferentes planos…

Obradoiro eminentemente participativo e sen dúbida moi recomendable.

Nas Bibliotecas Municipais de Cambre continuamos co ABRILUSTRADO. Hoxe, 20 de abril, sumerxémonos no mundo do manga co gran especialista na materia, David Prieto (GcChi).

Comeza dándonos unha visión xeral deste tipo de publicacións no pais de orixe: Xapón. Móstranos publicacións xaponesas e comenta as características máis salientables, ata pormenorizar en todo o seu proceso.

A través de diferentes vídeos nos que aparecen os distintos estudios de traballo dos “mangacas”, pódese apreciar o traballo de creación desde o inicio ata o resultado final, pasando polo coloreado e tramado de cada páxina.

Nalgún vídeo podemos apreciar todo o proceso de utilización das tramas, para o que se require moito virtuosismo.

Móstranos tamén in situ os diferentes tipos de plumas, lápis e rotuladores que se utilizan en cada parte do proceso gráfico, así como traballos da súa autoría.

Corrobóranos que os creadores de manga realizan un traballo moi tradicional, moi manual e sen procesos dixitais.

A actividade foi moi ben valorada polos participantes.

Introdúcenos no cómic dende a propia terminoloxía “banda deseñada” e de como se denomina nas distintas linguas.

Dende os seu principios vai adentrándose na súa propia linguaxe: Os silencios, as viñetas e os seus diferentes tipso, os globos ou bocadillos, o delta, os cartucos, as liñas cinéticas, o raccord. Todo apoiado nun power point e con exemplos na pizarra.

Fálanos dos planos e fai especial referencia á creación dos personaxes.

Neste punto Xosé Tomás realiza un exercicio práctico no que a mocidade terá que ir situando nun folio divido en dúas partes, dous rostros, un masculino e outro feminino, coas súas características que vai lendo de viva voz, e onde os rapaces e rapazas teñen que ir debuxando á vez os seus rasgos definitorios. Unha práctica divertida e moi pedagóxica.

Ao longo de todo o obradoiro fai suscitar interés polos fondos que hai na biblioteca e que vai mostrando.

Actividade desenvolvida o mércores 19 de abril. Moi ben valorada polos asistentes, estudiantes de 3º de ESO.

Obradoiro de iniciación ao manga (BD xaponesa).

GoChi comeza dando unha visión xeral deste tipo de publicacións no pais de orixe: Xapón.

Proxecta diferentes vídeos nos que aparecen os distintos estudios de traballo dos “mangacas”, comentando o proceso de creación desde que se inicia ata a publicación final, pasando polo coloreado e tramado de cada páxina.

Mostra tamén en vivo os diferentes tipos de plumas, lápis e rotuladores que se utilizan en cada parte do proceso gráfico.

Destácanos  a utilización das tramas, e de cómo moitas veces se convirte nun proceso de gran virtuosismo.

Descúbrenos que os creadores de manga realizan un traballo moi tradicional, moi manual, sen procesos dixitais.

A última parte do obradoiro ten un carácter máis práctico, coa creación de personaxes, sobre o que nos da unhas claves que resultan moi útiles.

A avaliación do obradoiro por parte dos participantes resultou excelente e no seu conxunto valorada como moi interesante.

Comeza definindo o termo “banda deseñada” e como se denomina nas distintas linguas.

Continúa facendo unha breve historia, remitíndonos aos principios, para adentrarnos na súa propia linguaxe: os silencios, os globos e o delta, a viñeta e as súas clases, as liñas cinéticas, os bocadillos. Ddetense nos planos, analizando os diferentes tipos con exemplos prácticos.

Xosé Tomás fai especial fincapé na creación dos personaxes. Neste punto realiza un exercicio práctico no que a mocidade terá que ir situando en dous óvalos nos que só están trazadas as liñas de contorno, os distintos elementos do rostro. O resultado son dous rostros moi diferentes.

Aporta claves moi interesantes para a creación dun cómic. Ademais fai suscitar interés polos fondos que hai na biblioteca.

Actividade moi ben valorada polos asistentes e na que demandan máis tempo.

Guitián e Leandro comezan definindo que é o humor gráfico para deseguido facer un percorrido polos grandes humoristas gráficos, comezando polas viñetas de Castelao, Chumy Chúmez e Forges.

Continúan co humor en prensa, con mención especial de Ann Telnaes, Xaquín Marín e Mordilla, pasando polo humor negro de Joán Cornellá, ou o gran Liniers coa súa serie “Macanudo”. Así, ata chegar ao humor gráfico con e a través do móbil, “memes” e “trollfaces”.

O obradoiro remata cunha parte práctica, entregando a cada participante imaxes de personaxes famosos co seu nome e un lugar para que cada alumno coloque unha cita ficticia en clave de humor.

Actividade cunha valoración excelente polos participantes.

En resumo, un obradoiro que resulta moi interesante e atractivo para realizar coa mocidade.

Seguindo coas actividades do Mes do Libro, dentro do programa ABRILUSTRADO das Bibliotecas Municipais de Cambre, o propio 23 de abril contamos na Biblioteca Central con David Prieto (GoChi) que nos trasladou a Xapón, para introducirnos nas ensinanzas do MANGA. A tavés de vídeos foinos mostrando todo o proceso de creación: materiais utilizados, tanto os distintos tipos de plumas para os traballos en blanco e negro, como toda a variedade de rotuladores coas súas amplas gamas cromáticas; as distintas tramas empregadas sobre os debuxos e o seu proceso de raspado, os distintos tipos de profesionais que interveñen nun determinado traballo, as publicacións, etc.
Dirixido ao alumnado de 3ª B da ESO, do IES David Buján. Resultou un obradoiro moi entretido.

David Prieto achegounos ao MANGA cun obradoiro moi interesante no que foi mostrando a través de vídeos, como se traballa en Xapón: as técnicas, os estilos, os distintos materiais que empregan para entintar, para colorear, os formatos de edición, a distribución… e o resultado final.
Dirixido ao alumnado de 3º A da ESO, do IES Afonso X de Cambre.
Na Biblioteca contamos cun interesante fondo de banda deseñada que estes días está a ser moi utilizado.
Os obradoiros de MANGA solicitadoS a través de Ler conta moito, están enmarcados no programa Abrilustrado, das Bibliotecas Municipais de Cambre.

Achegámonos con Gochi ao mundo do Manga. Mozos e mozas de 3º da ESO, do IES Afonso X de Cambre adentráronse nos estudios dos grandes debuxantes de manga xaponeses. A través da proxección de vídeos fomos coñecendo as técnicas e a estética manga, a súa maneira de traballar, as principais edicións, os formatos… Un mundo apaixonante, por descubrir para moitos.

Ao remate Gochi agasallou a cada participante con tres publicacións da que fora a súa editorial Cerditos de Guinea. Agradecemos a súa xenerosidade.

Estes obradoiros están enmarcados nas Bibliotecas Municipais de Cambre, dentro do programa anual de ABRILUSTRADO
Ler máis →

Xosé Tomás móstranos os diferentes formatos de publicacións

Xosé Tomás tamén estivo hoxe na Biblioteca Municipal  Xabier P. Docampo.

Tras un percorrido histórico adentrounos no mundo da banda deseñada.  Ista é a denominación que el propón e non a de cómic, pois o importante nesta linguaxe é comunicar, comunicar con imaxes, independentemente da temática que trate.

Foinos mostrando un paralelismo entre o cine e a banda deseñada, os diferentes planos, as elipses, as variedades de viñetas e bocadillos…

Para rematar mostrounos os orixinais da súa novela gráfica Nómades, algo que se agradece sempre, pois non é doado ver orixinais.

A actividade foi moi ben valorada e con gañas de estar máis tempo.

Orixinais e libro impreso, sempre resulta atractivo