29/04/2014

Hoxe tivemos a sorte de contar na Biblioteca Central de Cambre co ilustrador e debuxante Xosé Tomás.

Falounos das diferentes acepcións da palabra cómic nas distintas línguas e concluiu recomendando a utilización de “banda deseñada”, pois efectivamente a súa temática non ten necesariamente que ser de humor.

Fixo unha pequena evolución histórica da banda deseñada para introducirnos na súa linguaxe: a importancia dos silencios, os globos ou bocadillos, os deltas, as liñas cinéticas, as diferentes formas de viñetas…

A actividade resultou moi interesante e Xosé Tomás moi ben valorado. A única suxestión: dispoñer de máis tempo.

 

 

 

26/04/2014

Nas Bibliotecas Municipais de Cambre continuamos con ABRILUSTRADO.  O día 24 de abril desenvolveuse outro obradoiro con Santy Gutiérrez, esta vez na Biblioteca M. Xabier P. Docampo e dirixido a alumnado do IES Afonso X.

Entusiasmados na creación do seu propio cómic e aprendendo moitos dos trucos que se utilizan. A través dun Guión técnico vanse adentrando na creación dos personaxes: estáticos, en movemento, de frente, de perfil… Tamén a colocación dos textos é importante, e os diferentes tipos de bocadillos, os textos en off, os encadres, os distintos tipos de perspectiva, as liñas cinéticas…

Así, ata case rematar a páxina… Rematarán na aula e farán máis, pois o profesorado dos dous IES está moi implicado e iso é fundamental.

26/04/2014

 

O segundo Obradoiro de banda deseñada desenvolvido mantén a mesma estructura que o primeiro, pero a historia facilitada aos rapaces e rapazas é outra ben diferente, desta maneira poden compartir logo os dous cómics.

Do que se trata é de espertar o pracer non só de ler un cómic,  senón de tamén de crealo, tanto a nivel literario como gráfico.

O deseño dos personaxes, os distintos planos de páxina, os encadres, as perspectivas, a gran cantidade de trucos que se utilizan…

Con este tipo de actividades increméntase notoriamente o préstamo e demanda de cómic na biblioteca.

As enquisas de valoración acadaron un resultado excelente.

 

 

 

26/04/2014

Entre a serie de actividades para conmemorar o Mes do Libro, as Bibliotecas Municipais de Cambre temos as solicitadas por Ler conta moito para o noso programa ABRILUSTRADO.

Trátase dunha serie de obradoiros de banda deseñada, para achegar o mundo do cómic a todo o alumnado de 3º de ESO, dos dous IES do Concello.  Santy Gutiérrez ofreceu o primeiro obradoiro o 23 de abril. A actividade vaina artellando dunha maneira moi didáctica. Entrega a cada paricipante unha folla que contén un Guión literario, un resumo da historia e o Guión técnico.

A través do Guión técnico vai ensinando e introducindo a propia linguaxe: deseño de personaxes, colocación de textos, deseño das viñetas, tipos de bocadillos, encadres, onomatopeias, liñas cinéticas…

O obradoiro resultou tan atractivo que nas enquisas de valoración, demandábase que durase máis tempo.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

19/06/2013

Manel Cráneo realizando a visita guiada á exposición Cómic, Arqueoloxía e Xornalismo, co alumnado de 3º B do IES Afonso X O Sabio, de Cambre

 

O segundo obradoiro de Banda Deseñada, impartido por Manel Cráneo na Biblioteca Central de Cambre, tivo lugar tamén o propio Día do Libro, 23 de abril.

Primeiro unha visita guiada pola súa exposición, dos orixinais do libro A Torre dos Mouros, e a continuación todos e todas a traballar!!!.

Comeza comentando polo miúdo as características da súa obra, intercalando explicacións, tanto de documentación histórica como de realización técnica, os distintos tipos de planos, bocadillos, construcción de personaxes, as diferentes maneiras de dividir e estructurar unha páxina, …

E para rematar, a realización dunha páxina de cómic, según un guión que lles proporcina.  E ao final, case lista para publicar!!!

Son uns talleres moi interesantes e divertidos,  pois  combinan unha parte teórica, bastante descoñecida, cunha parte práctica que engancha, para seguir facendo máis.

 

19/06/2013

 

As tres Bibliotecas Municipais de Cambre contamos cunha programación  especial durante  o mes de abril,  ABRILUSTRADO.

Dentro deste programa realizáronse unha serie de obradoiros de Banda Deseñada,  solicitados  a través de Ler conta moito.

O propio 23 de abril, contamos con dous obradoiros de Manel Cráneo, de quen tiñamos tamén a exposición Cómic, arqueoloxía e xornalismo, na Sala de Exposicións da Biblioteca Central.

O primeiro obradoiro foi co alumnado de 3º A do IES Afonso X O Sabio.

Manel Cráneo comez facendo un percorrido guiado pola exposición dos orixinais da obra da súa autoría, A Torre dos Mouros, recreación histórica, baseada nos restos arqueolóxicos existentes en Lira, Carnota,datados no século X.  Unha vez rematado o percorrido, amplíase con imaxes en detalle,  a través dun Power point. Vai explicando tanto a documentación histórica, como a realización técnica, planos, personaxes…  Á vez, nunha pizarra vai mostrando unha serie de claves para construir personaxes, expresións, etc para introducirnos na  linguaxe do cómic.

A última parte do taller consistiu en tratar de facer unha páxina de cómic, según un guión previo. Da as claves e anima a continuar.