Un ano máis os ghazafelhos fixeron acto de presenza no concello de Porto do Son, e divertiron ós nenos (e maiores) coa súa actuación.

O xoves 24 de outubro, día das bibliotecas, na Biblioteca Torrente Ballester tivemos o inmenso pracer de celebrar o noso día dun xeito inmellorable, coa actuación de Tarabelos, que nos trouxo a súa obra, “O traxe novo do rei “ .

Un libro, un cheiro, un conto….Un traxe especial, para un rei especial. Este clásico da literatura infantil fixo as delicias da rapazada e non tan rapazada que se achegou ata á biblioteca nun día tan especial pero tamén na semana en que retomamos o servizo nun espazo renovado , despois de 2 anos de espera nos que os nosos pequenos non tiveron un espazo no que trastear cos libros como os libros se merecen.

Non puido ser unha inauguración máis exitosa e especial . Só me queda dar as grazas a todos os que se achegaron ata a biblioteca.

A actividade “Outubro de contos”, rematou na nosa biblioteca, despois de facer as delicias tamén nas outras bibliotecas da rede, a de Cela e a de Beluso.

O 24 de outubro Dia das Bibliotecas, nenos e as súas familias da Escola Infantil A Galiña Azul, achegáronse a celebrar con nos este día cun bebeconto titulado “Unha tarde con Dori” de Batucado&Emusin.

O espectáculo infantil fixo as ledicias dos nenos que o pasaron en grande no seu primeiro contacto co mundo dos contos.

O pasado xoves 17 de outubro estivo na B.P. M. de Fene, Anxo Moure que contoulles aos nenos e nenas unha serie de historias baseadas na natureza, inculcando nos pequenos e nas pequenas valores positivos como o coidado e a valía das árbores. Non faltou a diversión coa música acompañada de baile.

Este sábado a exploradora Eva visitou a biblioteca de Trazo para contarnos as aventuras do seu amigo pingüín. Unha mañá na que non faltaron os bailes e as risas.

O pasado venres, 18 de outubro, a Axencia de Lectura Municipal de Carnota acolleu o espectáculo Cinco ratiños de Conto, unha deliciosa sesión de contos e cantos para bebés, conducida marabillosamente por Bea Campos, de Migallas Teatro.

“Contar co Vento”, contos, melodías …….. historias de tradición oral para toda a familia: de medo, de risa e todas moi entretidas.

Unha actuación moi bonita, donde maiores e cativos desfrutaron moito.

Xela e o dragón viviron unha aventura emocionante coa axuda do público asistente, que opinou e aconsellou aos personaxes.