Onte, mércores, 4 de outubro dentro do Programa Ler Conta Moito na Biblioteca de Santa Cruz visitounos Elefante Elegante co espectáculo “O Xigante”. Representación magnífica por parte de Gonçalo Guerreiro deste clásico da literatura infantíl, embelesou coa súa posta en escena a maiores e pequenos. É un espectáculo de pequeno formato, onde a narración está acompañada con moito acerto, cunha música axeitada a cada escea, ademáis das palabras, as accións mímicas, os xestos dan grandiosidade a narración oral. A destacar tamén os valores traballados de solidariedade, amizade, e sobre todo amor a natureza e coidado do medioambiente.

As viaxes dun home

Onde vive un xigante que non deixa a ninguén xogar alí

A primaveira non chega ao xardín do xigante…

O xigante faise amigo dos nenos e nenas…

O home segue a viaxar buscando árbores con libros e xardíns para habitar…

O día 3 de outubro, volveron os contos á Biblioteca de O Froxel “Fco.A.Vidal” de Arteixo,  da man de Fran Campos de Bandullo Azul e a monicreque FILIPA, para facer un percorrido polos contos máis tradicionais, a través da palabra e da súa guitarra con música en directo. A rapazada participou moi activamente co personaxe, lembrando tamén ás obras infatís de Carlos Casares.

O luns, 2 de outubro, na biblioteca P. M. “Mª José Ruso” de Dorneda tivemos unha tarde chea de música, risas, aprendizaxe e calor, moita calor con Paco Nogueiras e o seu Brinca Vai!

Partindo do seu libro do mesmo nome comezamos unha viaxe polas datas máis salientables de Galicia, todo elo a ritmo de boa música e mellores letras que moitos dos alí presentes coñecían e cantaban con Paco.

A sala estaba a rebosar de rapaces e rapazas, pais e nais e sobre todo de ilusión e diversión. Unha maravilla de actividade que gañou a todos os presentes.

BRINCA VAI!: DE AQUÍ A ACOLÁ NA BIBLIOTECA “Mª JOSÉ RUSO” DE DORNEDA

Jorge, teclados, guitarra, coros, María, voz estiveron no Salón de Actos da Casa da Cultura do Concello do Valadouro para achegarnos música e cancións con cada letra do abecedario tantas aventuras como queiramos crear! Fadas, bruxas, xigantes, indios, piratas, unha elefanta rapeira ou unha mamá marciana acompañarannos nesta viaxe de Fantasía coas palabras. Unha proposta para aprender o abecedario dunha maneira orixinal e divertida. Os nenos do CEIP interactuaron moito con Jorge e María, fixeron de fadas, do xigante elegante, ata se atreveron a improvisar un rap…Ao remate da actuación cantaron todos xuntos a canción da formiguiña, Jorge e María, despedironse cunha pechada ovación entre solicitudes de máis bises. Un público totalmente entregado e participativo que non esquecera a este dúo fácilmente.

O venres 29 tivemos a visita de Paco Nogueiras e o seu espectáculo Brinca vai de aquí a acolá. Neste concerto fai un repaso ós temas do seu libro-disco Brinca Vai cun percorrido polas distintas celebracións que hai no ano. Nunha biblioteca chea, desfrutamos ó máximo brincando, cantando e bailando con el e a súa amiga Máquina.

A actividade de BiblioCanta está conducida por Chío Couto Rendo. Nela vai facendo un percorrido polo cancioneiro galego de tradición oral de ditos, recitados, nanas, xogos e cancións que fan disfrutar a público infantil e tamén a avoas e avós acompañantes.

Moi divertida e participativa e moi recomendable para realizar en bibliotecas. Funciona tanto con bebés como cos máis maiorciños que sen dúbida lles gusta recordar aquello que aprenderon de pequerrechos.

Ademais é unha maneira máis de fomentar o noso fondo de música e poesía.

“Tardes de Contos e Lendas” contou nesta ocasión coa actuación do grupo “Pavís Pavós” . O venres 22 de setembro , bebés e familias pasárono moi ben atendendo ás historias e cancións, e participando moi activos en todo o que lles propoñían. Facendo biblioteca!!!!

Manuel e Suso son dous estupendos actores especializados en dobraxe que trouxeron a Ferreira a apaixoante  actividade “Mundo da Dobraxe”.

Primeiro escenificaron un conto cos personaxes de Raquetucho e Pelotudo que nos ensinaron o importante que é o son e a interpretación das voces para ambientar ese conto.

Logo ensinaron como funciona no mundo audiovisual o proceso de doblar ao galego, por exemplo, unha serie de debuxos animados xaponés… A tradución do texto, a gravación das voces no estudio de dobraxe a cargo dos actores…

Pero para mostra un botón…os nenos e nenas do CEIP de Santa María do Valadouro, convertéronse en improvisados actores e actrices de dobraxe, dividíronse en grupos e ensaiaron os takes, as tomas onde se gravan bloques de texto. Collimos unha historia do famoso Bob Esponxa e voluntarios nenos e nenas puxeron as súas voces para contar unha historia orixinal e propia que chamamos A redacción. Logo poñíamos a historia enteira coas voces orixinais dos nosos pequenos…A verdade é que quedou fenomenal. Grazas Suso e Manuel por ser tan bos profes!!

Paco Nogueiras fíxonos pasar unha tarde moi, moi divertida na biblioteca. Cantamos, bailamos e brincamos ao son de diferentes ritmos e instrumentos.

Como non, Paco Nogeueiras viña acompañado da súa “amiga” Máquina. Para quen non a coñeza recomendámosvos que levedes á vosa biblioteca esta actividade musical do Brinca Vai! De aquí a acolá. Vaivos encantar!

Nenas e nenos de todas as idades e as súas familias interactuaron a ritmo de rock, reggae ou rap, sen esquecer o tradicional.

Cancións que percorren as distintas festas do ano, o Magosto, o Entroido, o Samaín… Tamén os xogos, a amizade, a naturaza, o idioma ou a lectura.

Esta actividade de seguro que nos vai facilitar o préstamo do fondo de música infantil da biblioteca, pois deixa un pouso de entusiasmo musical que se contaxia.

En resumo, xenial. Para repetir en calquer momento.

O 8 de setembro levamos a cabo a actividade Mergullámonos? de Andrea Vázquez. A ela asistiron moitos nenos cos seus pais. Andrea facía dar voltas o globo terráqueo ata parar nun continente e contáballes aos nenos un conto dese lugar xunto cancións divertidas.