O pasado Venres día 20 de abril e para celebrar o DÍA DAS LETRAS GALEGAS na Biblioteca Pública Municipal do Concello de Pazos de Borbén “BIBLIOPAZOS” tivemos con nos na Sala de Lectura ao MAGO PAGO de A illa d@s nen@s que nos trouxo o espectáculo de narración oral e maxia “DIVERMAXIA” para nenos e nenas de 3 a 12 anos. Un interesantísimo espectáculo de dinamización á lectura a través da maxia mediantes historias, contos e xogos.

O mago Paco é unha personaxe moi peculiar que non para de argallar novas maxias para os nenos. Desta volta mestura a risa como elemento principal para sorprender aos mais cativos coas súas historias cheas de maxia.

Estiveron con nos os rapaces e rapazas de 3º e 4º de Primaria do CPI “Curros Enríquez” de Pazos e os usuarios de ASPAVI cos seus monitores e profesores.

Larraitz comenzou facendo referencia a Manuel María, o gran polígrafo ao que se lle dedica este ano o Día das Letras Galegas.

Contounos varios contos e recitou  poesías de “Os soños na gaiola” e, para o remate, cantou, acompañada polos asistentes, a canción do cuco.

O martes 24 de maio, Leo Leiño ofreceu a 170 rapaces de 4º e 5º de primaria dos colexios Eugenio López e Manuela Rial Mouzo de Cee, un espectáculo moi interesante xa que dunha maneira entretenida, combinando maxia e humor, buscou desde un primeiro momento concienciar aos nen@s da importancia dos libros e da lectura; cunha atractiva e divertida posta en escena foi facendo partícipes, desde o mesmo comezo da función, aos cativos nos distintos xogos de maxía, un público que asistiu espectante durante os 60 minutos que durou o espectáculo, e podo asegurar polas caras de satisfación ao acabar que foi do seu agrado.

O pasado xoves 19 a biblioteca Enrique Rivera Rouco das Pontes de García Rodríguez tivo a sorte de acoller o Océano para terrícolas de Xurxo Souto. Coas historias do seu libro Contos do mar de Irlanda, achegounos un pouco máis a ese océano descoñecido para nós, xente do interior.

Cantamos con el, rimos e desfrutamos desas historias do Gran Sol, parte importante da nosa cultura galega.

O acto enmarcouse dentro dun programa máis amplio con actividades de homenaxe a Manuel María coas que celebramos as Letras galegas 2016.

O sábado 21 de maio tivemos unha actividade moi interesante para todos e todas os interesados/as nas nosas tradicións, para os grupos folclóricos da vila, para a xente dedicada ao mundo da costura e o deseño..

A actividade “Cóntoche un traxe” dirixida a público adulto, mocidade e rapazada a partir de 6 anos.

Montse Rivera, dunha forma amena, orixinal e divertida, levounos nunha viaxe no tempo para ver como era o vestiario dos nosos ancestros. Con catro voluntarias do público foi amosando e describindo unha a unha todas as pezas do noso traxe

Os integrantes de Polo Correo do Vento achegaron ata a Axencia de Lectura de San Vicente o contacontos ilustrado “O Poeta do Miño” unha homenaxe a Manuel María.

Grandes e pequenos disfrutaron coa narracións, as ilustracións e os versos. Tamén aprenderon a debuxar a caricatura de Manuel María.

O día 20 de Maio na Biblioteca Infantil e Xuvenil da Coruña, celebramos o día das Letras Galegas  2016 rodeados de música e maxia nas mans de Martín Camiña e Álvaro Muras, respectivamente. Estes dous artistas fixeron un percorrido pola vida e obra de Manuel María combinando estas dúas disciplinas.

Resultado “máxico” cumplíndose o obxetivo: Homenaxear a Manuel María con motivo das Letras Galegas.

A participación das familias e a implicación do público en xeral foi moi satisfactoria. Sorprendeunos a todos a combinación de literatura, maxia e música.

Para acompañar a festa, dende a Biblioteca elaboramos unha mostra bibliográfica da obra de Manuel María. Quedounos así de bonitiña.

“O GAITEIRO CABEZUDO” PECHOU A SEMANA DAS LETRAS GALEGAS NA BPM DE ORDES.

O día 19 de maio Trinketrinke nos visitou con conto Riciños de ouro. Foi unha actividade moi lúdica e entretida