O venres 23 de outubro, bebés e familias pasaron un divertido rato de lecer con Trémola Teatro e o seu espectáculo “Qué animaliño é?,  unha obra para bebés que lles fixo gozar, coñecer e recoñecer as cousas que ven ao seu redor. A través de diferentes elementos sensoriais (boas de la, burbullas de xabón, confeti, instrumentos, sons…) os máis pequenos da casa viviron unha emocionante aventura na que participaron activamente xunto coas súas familias.

O Domingo 4 de outubro a Biblioteca da Laracha acolleu a sesión de contacocontos de Tremola Teatro dirixida a bebes (0 a 4 anos) .Un espectáculo precioso , cunha posta en escea que conseguiu captar totalmente a atención dos pequenos.

Onte, 13 de outubro, Tereixa e Xacobe, ou o que é o mesmo “Pavís Pavós” reuniron na Biblioteca Municipal de Tui a un bo grupo de bebés, coas suas nais e pais, para unha sesión chea de contos, de cantos, de agarimo polos libros e pola vida.

Con esta actividade para os mais cativos seguimos celebrando os 50 anos da biblioteca municipal tudense.

Contacontos “Nubinete contra o cambio climático”: o pasado día 30 estivemos na Escola infantil municipal con Anxo Moure “Carballo con botas”, e coa colaboración das mestras, Raquel e Montse, participando no programa de animación á lectura para as bibliotecas: Ler Conta Moito, tamèn durante este ano 2020.#carballoconbotas #lercontamoito #RBGalicia

“Música mais poesía”: pura emoción para as crianzas da man de Cristina Collazo.

Que mellor estimulación sensorial para os bebés que os xogos ao son da música e os arrolos tradicionais.

De todo isto gozaron os pequerrechiños de Moeche, as súas nais e outros familiares, o sábado, día cinco,  na Biblioteca de Moeche, nun obradoiro a cargo de Esperanza Mara, de EmanArte

O xoves 1 de outubro os nenos e nenas das Pontes recibiron a visita na biblioteca de Eduvía Xestión e o seu Bibliocanta. Foi unha sesión estupenda na que cantamos e bailamos grandando a distancia de seguridade. Lembramos moitos temas do folklore galego que algunhas nais xa recordaban de cando elas eran pequenas. Todo un pracer para pasar a tarde de Xoves na Biblio.

O pasado venres, tivemos na Biblioteca Municipal de Ares, o contacontos: Onde está o vento?

Un preciosa actividade colorista, dinámica o moi musical que fixo as delicias do noso público.

Con mensaxe optimista e ecolóxica.

A escritora María Canosa visitou a Biblioteca de Carral para quitarnos os medos co seu recital Versos para perder medos. Falounos de monstruos, da escuridade, dos cans… E fíxonos pasar un bo tempo mentres que iamos deixando atrás os nosos medos.

E despois veu Patricia, de Eduvía, cargada de contiños e estímulos para que os bebés, nais e pais que nos acompañaron, descubriran un modo especial de estimular os nosos sentidos. Pasáronno tan ben, que case non os damos botado da biblioteca!

Xa estamos agardando por Andrea Barreira para aprender a escribir as nosas propias historias e ao Xigante de Elefante Elegante.

O venres 18 de setembro os máis pequeniños disfrutaron moito con Xabi do Camiño . Comerá o bebé ? fíxonos participar a grandes e pequenos.!!