Onte visitounos Sheila García e tróuxonos moitos materiais, con eles, os nenos e nenas  construíron contos que saíron espontaneamente do seu maxín. Obradoiro moi ben organizado, ademais, debido ao número de interesados, deunos a posibilidade de facer dous grupos.

Unha proposta moi interesante a de Andamiaxe para transmitir valores aos nenos de Camariñas.

O 25 de outubro seguimos a celebrar o Dia das Bibliotecas cun contacontos da man de Trémola Teatro titulado “Eva na Antártida”.

Esta vez acompañáronnos nenos do CRA Amencer que pasárono en grande coas aventuras medioambientais de Eva na Antártida e coñeceron a problemática do derretimento do xeo e as súas consecuencias no ecosistema polar.

O venres 25 de outubro Cé Orquestra Pantansma recalou na Axencia de Lectura Muncipal de Carnota con Fíos do querer, un espectáculo musical para meniñas e meniños de 0 a 3 anos repleto de ritmo e sensibilidade, cun repertorio fermoso que engaiolou a crianzas e maiores de comezo a fin. Xogamos, cantamos, bailamos e creamos música con instrumentos artesanais fabricados con elementos naturais. Encantounos!

No seu paso por Portosín, Dada a Trasna relatou os seus mellores contos ós rapaces da contorna e fomentou o respecto polo medio ambiente, a convivencia e os hábitos lectores. Os pequenos desfrutaron da experiencia na compaña dos seus profesores.

O pasado venres 25 de outubro celebramos o Día das Bibliotecas en Cerdedo-Cotobade. Recibimos a visita de Cris de Caldas co seu contacontos “A Bibliotecaria Estrafalaria 2.0”. Unha serie de historias divertidas e moi estrafalarias que fixeron as delicias das nenas/os e os/as maiores asistentes ao espectáculo.

Desfrutamos moito coa fusión de contos pola igualdade que Trécola Teatro nos representou.

Primeiro unha charla para poñer en situación. A continuación o obradoiro creativo co lixo mariño. Divertido e edificante.

Rotundo éxito foi o obtido pola actividade”Véxote! Contacontos inclusivo”. Dende o primeiro momento logrou captar a atención e a implicación de todos os participantes na actividade que mostrou unha temática tratada con gran sensibilidade. Entre risas e complicidade, lograron presentarnos un obradoiro creativo e singular.