Este mércores visitounos a escritora Antía Yáñez para contarnos unha historia que ela mesma viviu no patio do seu colexio. Neste conto, Antía aborda o tema da ocupación dos espazos dende unha óptica de xénero, porque a igualdade non consiste en que “os nenos fagan cousas de nenas ou o contrario”, senón que todos e todas teñamos as mesmas oportunidades, e neste caso, poder gozar todos/as do patio do colexio.

Para reforzar este concepto de igualdade a escritora mesturou no conto peculiaridades de certos animais en relación ó xénero, que son do máis interesante e encantoulles ás crianzas.

Un grupo de nenos e nenas, de entre 8 e 12 anos, achegáronse ás nosas instalacións para tomar o seu primeiro contacto (nalgúns dos casos os e as participantes eran máis experimentados) coa robótica e coas tecnoloxías, e puderon saír da actividade co seu “cachivache” eléctrico xa montado e funcionando… e cun novo horizonte de posibilidades para xogar, explorar e seguir aprendendo.

A actividade realizouse seguindo todas as recomendacións de seguridade e hixiene frente ao Covid-19, e tivo lugar dentro do programa Ler conta moito da Consellería de Cultura e Turismo para a Rede de Bibliotecas de Galicia.

Ver +: https://bibliotecasredondela.blogspot.com/2020/09/aprendendo-robotica-para-un-novo-tempo.html

O sábado pasado os nenos e nenas puideron gozar do mundo da maxia de mans de David Méndez.

Un espectáculo moi ameno e participativo, onde se mesturou a maxia con diversas ilusións ópticas. Isto fixo a delicia de grandes e pequenos e descubrimos que o truco principal está na rapidez.

O pasado xoves 17 de setembro, nenos e nenas de Cerdedo-Cotobade con idades comprendidas entre os 3 e 7 anos achegáronse ata a Biblioteca Rodríguez Fraíz de Cerdedo para desfrutar deste fantástico contacontos.

 Os asistentes ao obradoiro, que se realizou o 18 de outubro, seguindo as indicacións de Miguel Cortés, fixeron figuriñas de animais, con e sen movemento.

Unha maneira entretida de coñecer e aprender unha tradición oriental, a papiroflexia.

Día 18 de setembro de 2020 ás 11:00, biblioteca de Escairón

Comezamos o programa de LER CONTA MOITO na Biblioteca Pública Municipal de Pazos de Borbén “BiblioPazos” o pasado venres día 18 de setembro coa actividade de audiovisual na biblioteca “O MUNDO DA DOBRAXE” a cargo de Suso Pando e Manuel Pombal.

Estes dous excelentes profesionais fixeron que os nenos e nenas que asistiron ás dúas sesións realizadas ao longo da mañá ás 11:00 e ás 13:00 horas, no Auditorio do Concello de Pazos de Borbén, coñeceran esta ferramenta e cómo se fai a dobraxe dunha película.

Unha estupenda actividade moi dinámica e animada na que participaron todos os asistentes á mesma e na que finalizaron dobrando eles mesmos un minicapitulo dunha serie de debuxos animados.

Moi recomendable para calqueira idade.

A próxima actividade será o Xoves 24 de setembro ás 13:00 horas no Auditorio do Concello na que teremos á actriz e presentadora Genma Pardo “GEMOLA” co seu espectáculo de dinamización denominado “DECTECTIVE GEMOLA. O MISTERIOSO CASO…” no que durante os 60 minutos de duración intentaremos que os asistentes resolvan este misterio.

Este Luns 14 de Setembro comezamos nova tempada de Hora do Conto na Biblioteca de Dorneda (Oleiros) coa maga Leo Leíño e o seu espectáculo Bibliotemaxia. Risos, sorpresas e entretemento asegurado.

Dan man de Montse Rivera poidemos disfrutar do obradoiro no día de onte ” Cóntoche un baile”. Actividade na cal dende  os máis cativos ata os maiores disfrutaron do bo facer da artista.

A través do marabilloso invento da cinecleta coñecemos cousas moi interesantes: cousas sobre o cinema, sobre as illas Atlánticas e vimos e escoitamos preciosos contos. Unha actividade completa que fixo as delicias de todos os que asistimos.