Onte, na biblio do Ézaro visitounos o mago Albert, que, ademais de facernos desfrutar da súa maxia, mesmo nos ensinou uns cantos números cos que sorprender a calquera.

Mesmo se fixo a maxia de atopar libros na biblio cos que serguir practicando e aprendendo.

Gustounos!

Trátase dunha iniciativa centrada da comunicación, coa posta en marcha dun taller para aprender a confeccionar podcast, traballando a escritura, edición da grabación de audios con técnicas de locución, teatro e dobraxe facendo fincapé na lectura interpretativa, modulación e locución de voz. Os participantes pasarono en grande.

Esta semana visitounos Mircromina Teatro de Títeres para amosarnos as posiblidades do cartón como ferramenta para a creación de figuras, escenarios, de historias, …

Foi do máis entretido!

Esta semana, nas instalacións do Conco, onde se atopa a nosa biblio, descubrimos que a masa de pan serve para moitas cousas.

Partindo do conto de Maruxa, OQO amosounos o segredo dun bo pan; pero, nesta ocasión, non era para comelo, senón para crear personaxes e historias novas.

Os asistentes gozaron moito da actividade.

Esta semana a nosa biblio transformouse nun verdadeiro laboratorio.

Os asistentes a este obradoiro do Método Científico, desenvolvido por Ciencia en Movemento puideron experimentar, descubrir, aprender,… de maneira lúdica.

Experimentos físicos e químicos espertaron a curiosidade de todas e todos.

Recomendadísima!

Esta semana a nosa biblio converteuse nun obradoiro de cestería.

Pedras de Papel, Artesanía e Patrimonio achegounos a un oficio artesanal e tradicional en Galicia: a elaboración de cestos.

Elaborándoos a partir de papel reciclado, esta actividade contribúe, ao mesmo tempo, á concienciación da rapazada sobre a importancia da reciclaxe e de coidar o medioambiente.

Moi recomendable!

Onte, día 29 de setembro na B.P.M. Xosemaría Pérez Parallé comezou o Programa Ler Conta Moito. O primeiro contacontos foi “Coser e contar”, no que Marta Ortiz coa axuda dos obxectos empregados no oficio de coser foi enlanzando unha historia con outra. Foi un espectáculo de música e narrativa no que tamén recibimos pequenas nocións da linguaxe de signos. Pasamos unha tarde divertida na compaña de Marta Ortiz e a súa caixa de costura da que non deixaban de saír historias curiosas.

Moitas grazas pola vosa asistencia!

O venres 30 de setembro tivemos a sorte de que viñeran a nosa biblioteca Damián e Moisés, compoñentes de Solovoz, que nos contaron a historia de como o Príncipe Lourenzo aprendeu a tocar diferentes instrumentes percorrendo todo o mundo.

Foi un espectáculo que combinou ás mil marabillas a narración oral e a música , e que fixo as delicias de pequenos e maiores, que bailamos, cantamos e sobre todo nos divertimos.

Hoxe, na Biblioteca de Pontecesures, Solovoz deleitounos ós alumnos e alumnas de 1º e 2º de E. Primaria do CPI, con narración oral acompañada de música de acordeón, trompeta, cunchas, pandeireta… Viaxe por todo o mundo e música de cada un dos paises que visitamos.