O mércores 28 a rapazada pasouno de marabilla coa actividade Habelas hainas. Tendo como telón de fondo as tradicións galegas, a verdadeira protagonista foi a maxia que axudada pola música e uns efectos especias magníficos creou o ambiente ideal para que o público asistente vivise unha tarde chea de emocións e diversión.
Onte tivemos a visita do Mago Pedro Bugarín na Biblioteca P. M. Xograr Mendiño de Lorbé, coa sesión titulada 1º Galicia ilusiona coa maxia.
Foi unha tarde chea de maxia e risas, onde participaron pequenos e maiores. Un espectáculo magnífico para toda a familia!
Este xoves día 29, estivo na nosa Biblioteca o Mago Teto co seu espectáculo “A maxia dos contos”. Neste espectáculo mistúrase a narrativa de contos e xogos de maxia. A actividade consta dunha antoloxía de 7 contos que abordan de maneira central a figura do ilusionista, cos seus coellos, cartas e variñas. E por arte de maxia cada conto, vai acompañado dun xogo relacionado coa historia. Porque hai moita maxia na literatura e moita literatura na maxia.
Houbo unha gran afluencia de rapazada que gozou dunha tarde chea de maxia e contos.
Este xoves, 29 de setembro, a Biblioteca Municipal Os templarios de Cambre acolleu ‘Que animaliño é?’, un divertido espectáculo de Trémola Teatro. Os bebés e as súas familias puideron gozar dunha sesión que mesturou teatro, música, danza e mesmo burbullas, creando un fermoso espectáculo sensorial que estimulou os sentidos de todas as persoas participantes.
Onte visitáronnos Elisa e Ian cunha actuación que une maxia e sombras chinesas, usando contos e fábulas como fío condutor e facendo que nenos e nenas gocen dun fermoso e entretido espectáculo, onde se fomenta o hábito de lectura a vez que se deixa voar a imaxinación. 
Hoxe puidemos escoitar a pablo Díaz “Contando números, cantando cores” no Cocnello de Trazo coa asistencia de alumnado de primeiro e segundo de primaria do CPI Viñao Pequeno, que se achegaron ata os anexos da biblioteca a gozar deste espectáculo.
Este mércores, 28 de setembro no teatro das Torres e organizado pola Biblioteca asistimos ao espéctaculo de títeres baseado no conto de Andersen “O traxe novo do rei”, un conto que resulta cheirar bastante mal cando un grupo de pillabáns fan crer o rei que poden facerlle un traxe espectacular e que ademáis, “mide a intelixencia” de todos os habitantes do pais….
Serán os nenos e nenas os que descubran si aquel traxe fantástico ten unha tela de tanta calidade????
Unha sesión moi divertida e sobre todo participativa, o monitor converteu en guionistas ao público que enchía as butacas do teatro.
Na tarde do mércores 28 de setembro tivemos unha visita moi especial na Biblioteca Municipal Central de Cambre. Antes de comezar coa actividade de animación á lectura, un barrendeiro que pasaba por alí chamounos a atención sobre a importancia de non botar cousas ao chan para despois enredarnos a todas as persoas participantes cunha chea de divertidas anécdotas e contos ambientais.
O espectáculo ‘Miña casa, meu lar (contos ambientais)’, da man do narrador oral Caxoto, ademais de facernos rir e participar en distintos xogos, fíxonos pensar sobre a necesidade de coidar o noso entorno para que el nos coide a nós.
De novo, aforo completo para Pakolas e a sua “Ramona Órbita, a dona do tempo”. Nen@s totalmente entregados durante a case hora e media que durou o espectáculo.
Séguenos