Actividade moi completa,comezando con dous contos para rematar co momento de descubrir e experimentar
Os nenos e nenas participaron todo o tempo e divertironse moito,igual que os maiores que os acompañaron.
Hoxe saímos da biblioteca de Esgos á praza para abrazar ás árbores con Anxo Moure e desfrutar do conto “Unha árbore vén a vernos”
As letras visitaron a nosa biblioteca este mércores e puidemos ver a súa casa e como fan a súa vida diaria. Tamén nos axudaron a contar os contos…Rematamos a actividade cun obradoiro onde creamos os nosos propios monicreques.
Nesta ocasión, e como acontece sempre con Pakolas, o seu espectáculo “Cores, contos e Rock’N’Roll” estivo cheo de ritmo e enerxía.
Veu acompañado da ilustradora Laura Romero e quedamos encantad@s coa súa visita, que serviu de inauguración para a terceira xornada da Praza dos Libros.
O 18 de xullo achegouse á Escola Infantil do Pereiro de Aguiar, Pablo Díaz, quen coa súa voz e distintos instrumentos como a guitarra ou a frauta, amosoulle aos nosos nenos e nenas unha divertida maneira de “cantar” os seus contos favoritos. Sen dúbida foi unha sesión divertida e relaxante da que os máis pequenos gozaron moito.
O luns 15 de xullo o mago Javier Muro trouxo ata a biblioteca municipal de Caldas de Reis o seu espectáculo O neno que quería ser mago, un conto de animación onde o teatro e a maxia fixeron que un grupo de nenos e nenas empezaran a semana cunha chea de sorrisos.
O pasado mércores, o mago Javier Muro e os seus pequenos e pequenas aprendices inundaron de maxia a ALM de Carnota, co espectáculo Xogando coas palabras. O factor sorpresa e o humor son son dúas das claves deste espectáculo de maxia infantil, creado a partir de palabras e números elixidos ao chou, co público como auténtico protagonista.
O día 17 de xullo realizouse este obradoiro na nosa biblioteca de Culleredo. Provocou moito interés entre a rapazada, co aforo completo. Fixeron os seus primeiros experimentos científicos, xogando coa luz ultravioleta, co equilibrio e a gravidade. Moi interesante para fomentar a creatividade.
Estupenda mañá na biblioteca con Pakolas, os casi 70 os rapazas e rapaces que asistiron disfrutaron a tope, bailando e cantando ao son do rock mesturado con contos de animais moi divertidos, porque a Pakolas gustanlle os animais con cola.
O Mago Deimi, ao seu paso pola Biblioteca de Vilagarcía de Arousa co seu espectáculo “A maxia está nos libros”, marabillou aos nenos e nenas asistentes cos seus trucos espectaculares e cos libros que lle axudaron a chegar a ese mundo máxico. Os asistentes participaron activamente ao longo da súa actuación, xa que o Mago Deimi precisaba da súa axuda para que a maxia aparecese.
Séguenos