O luns día 1 de outubro a compañía Sarabela Teatro levounos de viaxe coa súa maleta e unha caixa chea de aventuras.

Contentos e ledos marcharon os nenos e os pais coas súas mochilas e demáis traballos manuais.

O xoves 4 de outubro ás 11,30 horas Teresa Grau, de Nube Teatro, visitou a biblioteca de Monforte para preguntarlles aos nenos se son lobos ou galiñas. O conto que lles contou ten unha galiña presumida e un lobo moi tímido como protagonistas pero son unha disculpa para falarlles de moitos problemas que teñen hoxe os rapaces : acoso, discriminación, prexuicios….durante unha hora 130 nenos e nenas pasáronno moi ben. Todos saíron contentos e con ganas de repetir.

Onte, 4 de outubro, estivo na Biblioteca Central Municipal “Henrique Rabuñal” de Arteixo Elisabet Hillerud.

Elisabet desenvolveu un obradoiro para a rapazada de entre 6 e 10 anos, neste obradoiro utilizaron o método zentangle para decorar cadernos de lectura. Esta técnica consiste en trazar patróns repetitivos que crea belas imaxes e fomentar a tranquilidade e a concentración, desenvolvendo a creatividade e a sensibilidade artística.

Os asistentes gozaron da actividade durante a hora e media que discorreu a mesma, logrando a atención e a concentración (obxectivo prioritario do obradoiro) por parte dos participantes.

Todos saíron satisfeitos co traballo realizado.

O día 28 de setembro tivemos un contacontos na nosa biiblioteca de Culleredo, a cargo de Carmen Domech. Nel a señora Antonia, que dí é meiga, a través de cinco historias, nos achega ao mundo do terror, intriga e medo, pero con humor.

A maga Leo Leíño volve a inundar a Biblioteca de Pastoriza con luces, música, animais… e por suposto, moita maxia.

O Mércores, 3 de outubro,  na ALM de Corvillón-Cambados tivemos a oportunidade de ver o espectáculo “Lobo Bobo” da compañía Elefante Elegante, unha divertida reinterpretación dos contos clásicos, chea de sorpresas, música e cor. Tódolos cativos e cativas pasaron un momento ben divertido en compañía de Gonzalo e as súas historias. Os asistentes gozamos moito desta actividade.

Na biblioteca municipal Monte Alto (A Coruña) tivemos onte a sorte de recibir a Charo Pita. Tróuxonos a dúas amigas, dúas campás que, de pronto, deixaron de tocar as súas melodías. ¿Cómo solucionar este problema? Pois con moitos contos, cancións e  algún arrolo.

O público pasouno moi ben e o rematar felicitaron á artista.

Un libro, “Brinca vai”, que xira arredor das ilusións que se van descubrindo.

Os/as nenos/as despertan en forma de movemento, de música.

Acitividade divertida, chea de humor, baile, cancións… Xerando espontaneidade e entusiasmo.

O martes 2 de outubro tivemos a primeira das actividades que a Biblioteca de Portonovo ofrecerá aos seus usuarios dentro do programa Ler Conta Moito para celebrar o mes das Bibliotecas, e que levaba por título “Mª Victoria Moreno, unha historia de amor”.
Foi unha sesión moi divertida e amena, xa que ademais de coñecer un pouco máis sobre a vida de Mª Victoria Moreno (homenaxeada nas Letras Galegas este ano 2018), puidemos aprender a facer unha caricatura da autora, e todos pequenos e grandes conseguímolo 
Daquela os máis pequenos colorearon os debuxos que Carlos fixera durante a sesión. E para que vexades o artistas que son, deixámosvos as fotos.

Por suposto dar as grazas a Pin e Mau por compartir esa tarde connosco.