Sarabela Teatro estivo na Biblioteca de Cabana de Bergantiños coa actividade Isto non é unha caixa , actividade na que os nenos participaron cantando , con mímica e poñendo a funcionar a súa  imaxinación

Para pechar o Programa “En xuño…Ler tamén Conta Moito,” tivemos o pracer, este luns 18 de xuño, de contar coa actividade “Camiños” de Magín Blanco. A Biblioteca Pública Municipal “Francisco Mayán”, ateigouse de nenas e nenos da Escoliña de Cee, e de infantil das unitarias de Brens e Pereiriña. Arredor de 70 rapaces disfrutaron e foron partícipes dun espectáculo, donde conflúen a música, o teatro, a poesía e os contos, para estimularen e enriqueceren a imaxinación e a creatividade da xente miúda.

Aproveitamos a visita de Magín Blanco, para que nos dedicara as obras da súa autoría, que temos no noso fondo bibliográfico.

A actividade “Eu conto, ti contas… elas contan! realizada por Cris de Caldas, foi o broche final do Club de Lectura Fáci, organizado pola Asociación de Disminuídos Psíquicos “Con eles” coa colaboración da Biblioteca Municipal.

Cris acercou aos asistentes os contos de mulleres e sobre mulleres: princesas valentes, mulleres artistas e mulleres de conto tan especiais coma María Victoria Moreno.

O público asistente interactuou en todo momento coas historias que Cris narrou e disfrutou moitísimo coa actividade.

A tarde do venres 15 de xuño foi especial. A biblioteca encheuse de nenos e nenas entre os seis meses e os tres anos para gozar coa sesión de contos teatralizada de Trinketrinke Teatro. Vanessa trouxo un feixe de contos e unha sorpresa, un enorme ovo do que naceu un pito moi especial.

 Montse Rivera presentou  a súa proposta CÓNTOCHE UN TRAXE o xoves   14 de xuño ante os integrantes do CL Pintor de Castinande da Biblioteca de Sober. 

Ao longo de dúas horas fixo unha  excelente  posta en escea, presentando a historia do traxe  en Galicia, como e onde se facían as roupas, os tecidos e a diferenza entre homes e mulleres así como as roupas de traballo e de gala. Contou coa axuda de catro asistentes ao acto que serviron de modelos mostrando a maneira de vestirse.  Acompañando a presentación da roupa, Montse interpretou cantigas adicadas a distintas pezas  e relatos recollidos en diferentes zonas de Galicia. Poidemos tamén coñecer a roupa dos nosos devanceiros a través dunha selección de libros expostos durante o acto.

O venres, 15 de xuño, visitounos na nosa biblioteca no Centro cívico de Vite en Santiago de Compostela “O Faiado de Nin” que desenvolveu este divertido obradoiro que encantou os/as participantes. Patricia amosoulles a maneira de elaborar os seus minicontos: crearon uns divertidos personaxes, imaxinaron unhas aventuras do máis abraiantes e decorárono con moito tino.

Onte escoitamos a Lucas Requejo falar de alimentos, promoción da saúde, natureza, coñecemento, cambio climático, historia, vida, futuro, ciencia, orixe, educación e hábitos

“A boa alimentación mellora a saúde. Moitas persoas pensan que alimentarse é só unha necesidade de supervivencia, e que dá igual o que comamos porque o que importa é saciar a fame; pero non é así, hai que saber comer e facelo de forma balanceada para poder manter unha boa saúde tanto no teu día a día, como no futuro. O dito es o que comes é moi certa. A comida que inxeres inflúe directamente no teu sistema inmunitario, no teu estado de ánimo, na túa enerxía e, como non, no teu físico tamén. Así que comer san no só é cuestión de moda, e tamén de saúde” .

Como complemento a charla fixemos unha pequeña exposición có material bibliográfico relacionado.

Moitas grazas Lucas, desexamos que a mensaxe chegue a moitas máis bibliotecas.

Onte tivemos unha visita moi especial e divertida na Biblioteca Municipal de Fene e pasámolo moi ben, xa que gozamos da compañía e da actuación do gran Mago Paco coa súa actividade Maxia divertida 2.0, donde presentou aos nenos e nenas de entre 3 e 12 anos e aos seus pais, nais e avós unha morea de contos e historias a través de xogos e de maxia, levándoos a descubrir a “maxia divertida” que esconden as narracións.

O Mago Paco tívonos moi entretidos durante todo a actuación, sacounos unha chea de risas e fixo aos máis pequenos partícipes das súas historias, xogos e maxia. Unha gran elección a actuación do Mago Paco para celebrar que pronto remata o colexio para os pequenos.

Grazas ao Mago Paco por facernos pasar unha tarde moi divertida e por ensinarnos trucos e xogos de maxia!!

Cris de Caldas e Xabi do Camiño achegáronse á Biblioteca de Chapela para agasallar con contos aos máis cativos. Entre emoción, risas, sorpresas e algún choro, os nosos contadores deixaron a pegada das historias ben contadas a pequenos e grandes.

Xogamos ao avión, a ver se o neno come….

O caracol saca os seus cornos ao sol

Contos, sons, rimas e arrolos acompañaron este espectáculo, tratando de distraer e convencer e a ese neno que non quere comer.

A xoaniña tamén nos acompaña contándonos historias

VER MÁIS  SOBRE A ACTIVIDADE NO NOSO BLOG: http://bibliotecasredondela.blogspot.com/2018/06/divertido-contacontos-comera-o-bebe.html

Guardar

HOXE FOI O DIA DOS NENOS E NENAS DA NOSA GALIÑA AZUL

MAÑÁ SENSITIVA E DE DISFRUTE PARA @S NOS@S PEQUECH@S.

GRAN ACTUACION DE ANIMARTE QUE CON CANCIÓN EN DIRECTO  E PRECIOSAS  MARIONETAS FIXERON DESPERTAR A CURIOSIDADE POR DESCUBRIS.

REMATAMOS CUN  OBRADOIRO DE MUIÑOS DE VENTO E CADA NEN@ LEVOU O SEU

PARA CASA