Na tarde do luns día 7, acompañáronnos os profesionais de Solovoz para facernos pasar unha tarde viaxeira e musical. Sen necesidade de movernos da biblioteca percorremos diferentes lugares do mundo e gozamos das músicas e bailes típicos de cada un deles.
O pasado venres 4 de outubro iniciamos o programa Outubro na Biblioteca. Nesta primeira sesión veunos visitar a ratiña Faifa e a deleitarnos coas súas cancións e bailes. Os cativos e cativas de Muxía pasaron unha agradable tarde na biblioteca, revivindo as emocións do Monstro de Cores.
Brais das Hortas relatou varias historias de medo, que se ían entrelazando mediante os obxectos que sacaba dunha gran maleta que pertencera a súa avoa. Cada vez que extraía unha tenebrosa antigalla (un saco, unha vasoira…), narraba un conto e cantaba unha canción. Bruxas, a santa compaña e moito humor fixeron desfrutar ao público
O público pasouno de marabilla con Lupa, unha nena vikinga, que despois dunha longa viaxe en barco, chega a Galicia onde vai vivir interesantes aventuras e ademais as crianzas participaron nun bonito obradoiro.
Tarde moi amena acompañados de Xela, a superheroína de aldea, coa que aprendimos a por en valor os recursos que nos ofrece a natureza!!
Hoxe pasou pola Biblioteca central María Pita un profesor de ciencias que ensinou aos rapaces e rapazas a relación que existe entre ciencia e malabares, deixando abraiado ao público asistente.
O luns 7 de outubro a compañía Trémola Teatro visitou a Escola Infantil de Alfoz dentro do programa “Ler conta Moito” para traernos o espectáculo “Leo e a música”.
Leo é o león máis curioso de toda a selva, por iso, un día decidiu ir a dar un paseo polo bosque. Camiñando atopouse cunha bolbotera, un paxaro carpinteiro e ata con ras! Cada folla, cada poza e cada animal fai un son diferente. Leo coa axuda dos nenos vai descubrindo todos os sons que nos rodean.
Paula a contacontos estivo marabillosa, atenta con todos os participantes e interactuando con eles en todo momento.
Séguenos